San Mateo 17:17 - Tzotzil San Andres

¹⁷ Li Jesuse jech laj yalbuncutic schiꞌuc li jchiꞌiltactique: ―Toj tsots avoꞌonic, mu xacꞌan xachꞌunic. Oy xa scꞌacꞌalil liꞌ jchiꞌucoxuque, pero muc to bu chcꞌot ta avoꞌonic. Oy xa scꞌacꞌalil la jtsꞌicboxuc li cꞌu abaique. Iqꞌuic talel li quereme ―xi li Jesuse.

Tzotzil Zinacantan

¹⁷ ―Chopol ajolic, mu onox xachꞌunic tajmec. ¿Cꞌu to onox ora chachꞌunic yaꞌel ti voꞌne xa liꞌ jchiꞌucoxuque, ti jal xa lajtsꞌicbeique? Icꞌbecon tal li creme ―xiyutoticotic xchiꞌuc ti jchiꞌiltactique.

Bible in Tzotzil de Chamula

¹⁷ —Mu'yuc c'usi c'otem ta ch'unel avu'unic ti mu'yuc atuq'uilique. ¿C'u sjalil sc'an li' oyun ta atojolique? ¿C'u sjalil ta jts'icboxuc? Ic'bun talel ti anich'one —xi tac'bat yu'un ti Jesuse.

LEQUIL ACH' C'OP

¹⁷ Ti Jesuse itac'av: —¡Li vo'oxuque chopol ajolic, mu xa ch'unic tajmec! ¿C'u to sjalil tsc'an ti li' chajchi'inoxuque? ¿C'u to sjalil tsc'an chajts'icbeic? Ic'becon tal li creme ―xi.

Bible in Tzotzil de Chenalhó with Deuterocanon

¹⁷ Li Jesuse jech laj yal: —Vo'oxuc ti li' oyoxuc ta orae, mu xac'an xach'unic, solel ch'ayemoxuc. Ep xa c'ac'al li' jchi'ucoxuc. Ep xa c'ac'al la jts'icboxuc ti c'u xa'elanique. Iq'uic tal li quereme —xi.

Tzotzil de Huixtán

¹⁷ Hech yu'un hech lic yalbuntutic ti Jesuse: ―Mu'yuc xch'unojel avo'ntonic chquil. Boliben avo'ntonic ho'oxuc ti li'oyoxuc li' ti balumil ti ora to. Ep xa c'ac'al li' jchi'inojoxuc, mu to chach'unic. Ep xa c'ac'al jts'icojboxuc sbolil avo'ntonic acotolic ―xiyutuntutic―. Ic'o tal ti jtojol ―xiyutuntutic.

San Mateo 17:17 Cross References