San Mateo 13:24 - Tzotzil San Andres

²⁴ Li Jesuse laj yal loꞌil nojtoc. Jech laj yal: ―Chacalbeic ti cꞌu sba chventainatic li buchꞌutic chichꞌic ta mucꞌ li Diose. Jaꞌ jech chac cꞌu chaꞌal jun vinic ti ba svaj strigo ta yosile.

Tzotzil Zinacantan

²⁴ Ti Jesuse iyalbe jun loꞌil noxtoc li jchiꞌiltactique. ―Chacalbe avaꞌiic cꞌu xꞌelan tspasatic ta mantal ti muchꞌutic chichꞌic ta mucꞌ ti Rioxe. Caltic noꞌox yaꞌel ti oy jun vinic ti ba svaj strigo ta yosile.

Bible in Tzotzil de Chamula

²⁴ Ti Jesuse xi laj yal yan babac'ope: —Ti ventainel yu'un ti Dios ti oy ta vinajele, co'ol s'elan jech c'u cha'al jun vinic laj sts'un lequil ts'unobal ta yosile.

LEQUIL ACH' C'OP

²⁴ Ti Jesuse iyal jun lo'il noxtoc: «Ti c'u x'elan chcuentainvan ti Rioxe, ja' co'ol c'u cha'al jun vinic ti ba sts'un lequil ts'unubil ta yosile;

Bible in Tzotzil de Chenalhó with Deuterocanon

²⁴ Li Jesuse laj yal yan lo'il noxtoc. Jech laj yal: “Ti c'u x'elan chventainvan li Diose, ja' jech chac c'u cha'al jun vinic bat sts'un lequil bec' trigo ta yosil.

Tzotzil de Huixtán

²⁴ Oy yan lo'il uc laj yalbe ti jchi'iltique ti Jesuse. Hech laj yalbe: ―Chacalbeic ti c'utic x'elan tspasvan ti mantal ti Diose. Hech yu'un chacalbe hech chaj c'u che'el jun vinic ti ba sts'un lequil trigo ti slum.

San Mateo 13:24 Cross References