San Mateo 12:39 - Tzotzil San Andres

³⁹ Itacꞌav li Jesuse: ―Li buchꞌutic chopol yoꞌonic ti mu junuc yoꞌonic ta stojol li Diose, tscꞌan tsqꞌuelic li juꞌele pero muc bu chcacꞌbe yilic. Jaꞌ noꞌox chcacꞌbe yilic jech chac cꞌu chaꞌal icꞌot ta pasel ta stojol li Jonase, jaꞌ li buchꞌu iyal scꞌop Dios ta voꞌonee.

Tzotzil Zinacantan

³⁹ ―Voꞌoxuc ti cuxuloxuc lavie, chopol ajolic. Yuꞌun jaꞌ noꞌox chacꞌan chaqꞌuelic li jyuꞌele pero muc bu chcacꞌ avilic. Jaꞌ noꞌox chavaꞌibecon jcꞌoplal chac cꞌu chaꞌal avaꞌibeic scꞌoplal ti Jonas yajꞌalcꞌop Riox ti ta más voꞌnee.

Bible in Tzotzil de Chamula

³⁹ Tac'batic yu'un ti Jesuse: —Ti buch'utic mu'yuc xch'ulel xa'i sbaique, ti mu junuc yo'ntonique, ta sc'anic ya'iic ti ac'batuc yilic ti oy c'usi ch'ayal ta xc'ot o'ntonal yu'une. Ja' no'ox jech ta x'ac'bat yilic senyail jech c'u cha'al ic'ot ta stojol ti j'alc'op Jonase.

LEQUIL ACH' C'OP

³⁹ Itac'av ti Jesuse: —Li chopol crixchanoetique xchi'uc ti much'utic mu junuc yo'onic ta stojol ti Rioxe tsc'an tsq'uelbeic slequilal syu'elal, pero mu x'acbat yilic, ja' no'ox ta x'ac'bat yilic c'u cha'al ic'ot ta stojol ti j'alc'op Jonase.

Bible in Tzotzil de Chenalhó with Deuterocanon

³⁹ Itac'ov li Jesuse: —Li chopol cristianoetique xchi'uc ti mu junuc yo'ntonique tsc'an ta sq'uelic sq'uelubil. Pero mu'yuc ta x'ac'bat yilic. Ja' no'ox ta x'ac'bat yilic jech chac c'u cha'al ic'ot ta pasel ta stojol li j'alc'op Jonase.

Tzotzil de Huixtán

³⁹ Itac'av ti Jesuse, hech laj yalbe: ―Tsc'an tsq'uelic señail ti jp'ijile ti much'utic chopol yo'ntonique xchi'uc ti much'utic laj xa scomesic ti Diose. Mu'yuc c'usi yan ch-ac'bat sq'uelic. Ja' no'ox ch-ac'batic sq'uelic hech chaj c'u che'el ic'ot ti pasel yu'un ti Jonase, ja' ti j'alc'op yu'un ti Diose.

San Mateo 12:39 Cross References