San Mateo 11:27 - Tzotzil San Andres

²⁷ Li Jesuse xi lic yalanbe li crixchanoetique: ―Scotol yacꞌojbun ta jcꞌob li Jtote. Joꞌon li Snichꞌonune muc buchꞌu snaꞌ li cꞌu sba li coꞌone. Jaꞌ noꞌox stuc Jtot snaꞌoj li cꞌu sba li coꞌone. Jaꞌ noꞌox jech eꞌuc li Jtote, muc buchꞌu snaꞌbe li cꞌu sba yoꞌone. Joꞌon noꞌox jnaꞌojbe li cꞌu sba yoꞌon li Jtote, schiꞌuc snaꞌic eꞌuc li buchꞌutic chcacꞌbe snaꞌique.

Tzotzil Zinacantan

²⁷ Ti Jesuse jaꞌ yech lic yalbe ti crixchanoetique: ―Ti Jtote yacꞌojbon entrucal scotol ti cꞌusitic oye. Muc muchꞌu snaꞌ cꞌu xꞌelan li coꞌone, jaꞌ noꞌox snaꞌoj ti Jtote. Jaꞌ noꞌox yech ti Jtot uque, muc muchꞌu snaꞌbe cꞌu xꞌelan yoꞌon. Jtuc noꞌox jnaꞌojbe. Jaꞌ noꞌox ta snaꞌic uc ti muchꞌutic chcalbeique.

Bible in Tzotzil de Chamula

²⁷ “Ti jTote laj xa yac'bun ta coc ta jc'ob scotol ti c'usitic oye. J'ech'el mu'yuc buch'u xojtiquinic ti Nich'onile, ja' no'ox x'ojtiquine yu'un ti Totile. J'ech'el mu'yuc buch'u xojtiquin ti Totile, ja' no'ox x'ojtiquine yu'un ti Nich'onile. Ta xojtiquinic ti Jtote, ti buch'u ta jc'an ta xcac'be yojtiquine.

LEQUIL ACH' C'OP

²⁷ »Ti Jtote yac'ojbon entrucal scotol li c'usitic oye. Muc' much'u yan xojtiquin li ch'amalile, stuc no'ox xojtiquin li totile; ja' no'ox yech muc' much'u yan xojtiquin li totile, stuc no'ox xojtiquin li ch'amalile, ja' no'ox yech noxtoc ta xojtiquinic jtotic Riox li much'utic ta x'acbat yojtiquinic yu'un li ch'amalile.

Bible in Tzotzil de Chenalhó with Deuterocanon

²⁷ Jech lic yal yan velta li Jesuse: “Scotol li c'usitic oye, yac'ojbun ta jc'ob li Jtote. Mu'yuc boch'o yan sna'be c'u x'elan yo'nton li Nich'onile, ja' no'ox sna' stuc li Totile. Ja' no'ox jech ec li Totile, mu'yuc yan boch'o sna'be c'u x'elan yo'nton, ja' no'ox sna' li Nich'onile, xchi'uc ja' no'ox tsna'ic ec li boch'otic ta x'ac'bat sna'ic yu'un li Nich'onile.

Tzotzil de Huixtán

²⁷ Lic sc'opon ti jchi'iltique yan vuelta ti Jesuse. Hech laj yalbe: ―Scotol yac'ojbun ti jc'ob ti Jtote. Ho'on ti Snich'onune mu'yuc much'u chisna'bun ti co'ntone. Ja' no'ox stuc ti Jtote chisna'bun ti co'ntone. Mu'yuc much'u chna'bat yo'nton ti Jtote. Ja' no'ox jtuc ti Snich'onune ti jna'be yo'nton xchi'uc scotol ti much'utic chcac'be sna'beic yo'nton ti Jtote.

San Mateo 11:27 Cross References