Marcos 6:21 - Tzotzil San Andres

^21-22 Li cꞌalal ilocꞌ ta sjabilal li Herodese, la spas sqꞌuinal. Laj yicꞌan scotol li buchꞌutic yacꞌanojbe yabtele, jaꞌ li jꞌabteletique, schiꞌuc li banquilal soltaroetique, schiꞌuc li buchꞌutic ichꞌbilic ta mucꞌ li te ta Galilea balumile. Yuꞌun tscꞌan tschiꞌin ta veꞌel ta qꞌuin. Li Herodíase snaꞌ ti jaꞌ xa yorail ti xuꞌ chacꞌ ta milel li Juane. Jaꞌ yuꞌun och acꞌotajuc li stseub li Herodíase. Li Herodese schiꞌuc li buchꞌutic te coꞌol chveꞌic ta mexa schiꞌuque, toj lec iyilic li cꞌu sba iꞌacꞌotaj li tseube. Cꞌalal ilaj yoꞌon ta acꞌot li tseube, jech laj yalbe li tseub li Herodese: ―Cꞌanbun ti cꞌusi chacꞌane, chacacꞌbe.

Tzotzil Zinacantan

²¹ Pero ti Erodíase ista la ti cꞌu to xi xuꞌ chacꞌ ta milel ti Juane yuꞌun la ilocꞌ sjabilal ti Erodese, ispas la sqꞌuinal. Ismacꞌlin la ti jyuꞌeletique xchiꞌuc capitan solteroetic xchiꞌuc moletic ti tey ta Galileae.

Bible in Tzotzil de Chamula

²¹ Oy bu laj sta sc'ac'alil, laj spas q'uin ti ajvalil Herodes ta sventa ts'aqui sjabilal, ti laj yac' ve'el ta stojol ti jpas-mantaletic yu'une, ti banquilaletic yu'un ti yajsoldadotaque, xchi'uc ti cajal yabtel yich'ojic ta Galileae. Lec xa snupoj c'ot ti ants Herodiase.

LEQUIL ACH' C'OP

²¹ Pero ti Erodíase ista ti c'u to xi xu' chac' ta milel ti Juane yu'un iloc' sjabilal ti Erodese, ispas sq'uinal. Ismac'lin ti jyu'eletique xchi'uc capitan soltaroetic xchi'uc moletic ti tey ta Galileae.

Bible in Tzotzil de Chenalhó with Deuterocanon

²¹ Ts'acal to c'alal la spasbe sq'uinal c'usi ora ivoc' li Herodese, la sna' ti ja' xa yorail tspas c'usi oy ta yo'nton li Herodiase. Li Herodese laj yic'an scotol li j'abteletic yu'une, li banquilal soldadoetique xchi'uc li jpasmantaletic ta scotol Galilea banamile.

Tzotzil de Huixtán

^21-22 C'alal iloc' sabilal ti Herodese, laj spasic q'uin. Laj yic' tal ti yaj'abtele yu'un chve'ic te ti q'uin xchi'uc, ja' ti much'utic yac'ojbe yabtele, ja' ti much'utic ochemic ti presidentee, xchi'uc ti capitan soldadoetique, xchi'uc ti jc'ulejetique te ti estado Galilea. C'alal i'och batel yu'un ba ac'otajuc ti stsebe, laj sna' ti antse ti ja' xa yorail xu' tspas. Ti tsebe te i'ac'otaj ti stojol scotolic. Puru viniquetic te o. Yu'un ti i'ac'otaje ja' no'ox yu'un ac'o c'upinatuc. Lec laj yil ti Herodese xchi'uc ti yaj'abtele ti te xchi'inoj ti mesae. Hech yu'un c'alal laj yo'nton ac'otajuc ti tsebe, hech lic yal ti Herodese: ―C'usuc no'ox chac'an, chacac'be.

Marcos 6:21 Cross References