Marcos 16:14 - Tzotzil San Andres

¹⁴ Ta más tsꞌacale laj yacꞌ sba ta ilel Jesús ta stojol li buluchvoꞌ yajchanbalajeltac li cꞌalal jaꞌ o chveꞌique. Tsots itꞌabbatic yuꞌun Jesús ta scoj ti mu schꞌunique schiꞌuc ti toj tsots yoꞌonique. Yuꞌun muc bu schꞌunic li cꞌusi laj yalic li buchꞌutic iyilic ti chaꞌcuxiem xa li Jesuse.

Tzotzil Zinacantan

¹⁴ Más to tsꞌacal iyacꞌ la sba iluc ta stojolic li buluchvoꞌe, jaꞌo la yolel chveꞌic. ―¿Cꞌu yuꞌun ti mu xachꞌunic tajmeque? ―xꞌutatic la yuꞌun ti Jesuse. Yuꞌun la muc xchꞌunic ti cꞌalal iꞌalbatic yuꞌun ti muchꞌutic iyilic ti chaꞌcuxieme.

Bible in Tzotzil de Chamula

¹⁴ Ts'acal to un, ti Jesuse laj yac' sba iluc ta stojol buluchvo' (11) yajchanc'optac c'alal ja' o chotolic ta sts'el sti'il mexae. Laj svul ta scoj ti mu'yuc c'usi c'otem ta yo'ntonique, xchi'uc ti tsots yo'nton xa'i sbaic ti mu'yuc laj xch'unbeic ti oy buch'u laj yalic ti cha'cuxiem xae.

LEQUIL ACH' C'OP

¹⁴ Slajeb xa iyac' sba iluc ta stojol li buluchvo' yajchanc'optaque, ja' o tey yolel chve'ic c'ot sta. Tsot iyich'ic utel ta scoj ti ch'abal xch'unojel yo'onique xchi'uc ti mu xa c'usi sc'an xch'unic o ta jmoje, ti ja' mu xa bu ixch'unbeic o ti much'utic iyalic ti yilojic ti cha'cuxiem xae.

Bible in Tzotzil de Chenalhó with Deuterocanon

¹⁴ Slajeb xa la yac' sba ta ilel Jesús ta stojol buluchib yajchanc'optac ti c'alal ja'o ta xve'ique. Te tsots ic'opanatic ta sventa ti muc xch'unique, ti tsots yo'ntonique. Yu'un muc xch'unic c'usi i'albatic yu'un li boch'otic laj yilic ti cha'cuxem xa li Jesuse.

Tzotzil de Huixtán

¹⁴ Ti patil laj yac' sba ti q'uelel ti stojol ti buluchvo' yajchanc'opetique c'alal chve'ique. Laj stabe ti alel ti muc sc'an xch'unique yu'un tsots ti yo'ntonique. Yu'un muc spasbeic ti muc' ti sc'ope ti much'utic i'albat yu'unique ti icha'cuxi xa ti Jesuse.

Marcos 16:14 Cross References