Marcos 14:1 - Tzotzil San Andres

¹ Scꞌan toꞌox chib cꞌacꞌal li qꞌuin Coltael cuꞌuncutique, joꞌoncutic li jꞌisraeluncutique. Jaꞌ li qꞌuin li cꞌalal ta jveꞌcutic pan ti muc bu yichꞌoj svochesobile. Li banquilal paleetique schiꞌuc li buchꞌutic spꞌisoj sbaic ta jchanubtasvanej ta smantaltac li Diose, la snopic cꞌu sba xuꞌ ta stsaquic ta mucul li Jesuse yoꞌ tsmilic.

Tzotzil Zinacantan

¹ Chib xaꞌox cꞌacꞌal scꞌan li sqꞌuinal ti cꞌalal iloqꞌuic ta mozoil ti baꞌyi jtot jmeꞌticotique, voꞌoticotic li jꞌisraeloticotique. Jaꞌo cꞌalal chichꞌ veꞌel pan ti muc bu yichꞌoj svuquesobil xchꞌute. Ti totil paleetique, xchiꞌuc ti muchꞌutic ta xchanubtasvanic yilel ta smantaltac Rioxe, isnopic la ti cꞌu to xi xuꞌ tsmucultsaquic ti Jesuse yuꞌun la tscꞌan tsmilic.

Bible in Tzotzil de Chamula

¹ Chib xa c'ac'al sc'an ta xlic ti q'uin Colel c'alal ja' o ta sve'ic ti pan mu'yuc yich'oj ti spajubtasobile. Jech ti banquilal paleetique xchi'uc ti jchanubtasvanejetic yu'un ti oy c'usi tsots albil sc'oplale, ta sa'beic smelol c'u s'elan ta slo'laic yo' ta xaq'uic ta milel ti Jesuse.

LEQUIL ACH' C'OP

¹ Chib xa'ox c'ac'al sc'an li q'uin coltaele, ja'o c'alal chich' ve'el li pan ti muc' bu yich'oj svuquesobil xch'ute. Ti totil paleetique, xchi'uc ti much'utic ta xchanubtasvanic ta smantaltac Rioxe, isnopic ti c'u x'elan tslo'loic ti Jesuse yo' staic o ta tsaquele, yu'un tsc'a tsmilic.

Bible in Tzotzil de Chenalhó with Deuterocanon

¹ Sc'an to'ox chib c'ac'al q'uin Coltael, xchi'uc sq'uinal ta sve'ic pan ti mu'yuc yich'oj svolesubil xch'ute. Li banquilal paleetic xchi'uc li boch'otic lec xchanoj smantal Diose la snopic c'u x'elan xu' ta slo'laic li Jesuse, yu'un jech xu' ta smilic.

Tzotzil de Huixtán

¹ Ho'ontutic ti yelnich'onuntutic ti Israele oy q'uin ti jpastutic yu'un ti jna'tutic ti c'u che'el laj scolta loq'uel ti Egipto ti antiguo jtatamoltutique ti Diose. Ja' Pascua sbi ti q'uine. Oy yan sbi uc. Ja' q'uin yu'un ti caxlan vaje ti mu pumesbiluc xch'ute. Chib xa no'ox c'ac'al tsc'an ti q'uin Pascuae, ja' hech yorail lic xchapambeic sc'opilal ti Jesuse ti totil paleetique xchi'uc ti jchi'iltac ti ichanubtasvanic ti smantal ti Diose ti scuyoj sbaique. Laj xchapic ti c'u che'el tstsaquic ti mucul, ti c'u che'el tsmilique.

Marcos 14:1 Cross References