Marcos 12:37 - Tzotzil San Andres

³⁷ Li Davide laj yal ti jaꞌ yajval li buchꞌu tꞌujbil yuꞌun Dios ti chventainvane, jech maꞌuc noꞌox snitilul David li Cristoe ―xi li Jesuse. Li epal crixchanoetic li te tsobolique ta sloqꞌuel yoꞌonic laj yaꞌibeic scꞌop li Jesuse.

Tzotzil Zinacantan

³⁷ Ti Davide “Cajval” xut ti muchꞌu stꞌujoj Riox tspasvan ta mantale. ¿Cꞌu yuꞌun “Cajval”, xut mi jaꞌ smom noꞌoxe? ―xꞌutatic la yuꞌun ti Jesuse. Ti crixchanoetic tey lamalique sjunul la yoꞌon iyaꞌiic cꞌusi iyal ti Jesuse.

Bible in Tzotzil de Chamula

³⁷ C'alal ‘Cajval’, xi ono'ox ti Davide, ¿c'usi ca xut un, ja' snitilul ti Cristoe? Yepal no'ox lec ta xa'iic c'u s'elan ta xal ti Jesuse.

LEQUIL ACH' C'OP

³⁷ Ti mi Cajval xut ti much'u sc'oplal chtaquetal yu'un Riox ti Davide, ¿c'u ono'ox xi ti ja' smom David ti Cristo un bi? ―X'utatic yu'un ti Jesuse. Ti epal crixchanoetic tey lamalique sjunul yo'on iya'iic c'usi iyal ti Jesuse.

Bible in Tzotzil de Chenalhó with Deuterocanon

³⁷ Li Davide ‘Cajval’, xut. ¿C'u yu'un ‘Cajval’, xut, me ja' smomnich'one? —xi li Jesuse. Li epal cristianoetic te tsobolique scotol yo'ntonic laj ya'ibeic sc'op li Jesuse.

Tzotzil de Huixtán

³⁷ Hech yu'un ma'uc no'ox yelnich'on yu'un “Cajval”, xchi ti stojol ―xchi ti Jesuse. Ep ti crixchanoetique ti te stsoboj sbaique nichim no'ox yo'ntonic laj ya'ibeic sc'op ti Jesuse.

Marcos 12:37 Cross References