Marcos 12:28 - Tzotzil San Andres

²⁸ Te inopoj talel jun li buchꞌutic spꞌisoj sbaic ta jchanubtasvanej ta smantaltac li Diose yuꞌun iyaꞌi ti te chloꞌilajic Jesús schiꞌuc li jsaduceoetique. Cꞌalal iyaꞌi ti lec itacꞌbatic yuꞌun li Jesuse, jech la sjacꞌbe eꞌuc: ―Ta scotol smantaltac li Dios ti laj yal comel li Moisés ta voꞌonee, ¿cꞌusi junucal ti más tsotse? ―xi.

Tzotzil Zinacantan

²⁸ Tey la jun jchanubtasvanej yilel ta smantaltac Riox. Iyaꞌi la ti tey chloꞌilaj xchiꞌuc Jesús ti jsaduceoetique. Ti cꞌalal iyaꞌi ti ta yav ta yav chtacꞌav ti Jesuse, inopoj la echꞌel uc. ―Ta scotol li smantaltac Rioxe ¿cꞌusi jtosucal ti más tsotse? ―xi la.

Bible in Tzotzil de Chamula

²⁸ C'alal laj yilic ti lec stac' sutel ti Jesuse, nopaj talel jun jchanubtasvanej yu'un ti oy c'usi tsots albil sc'oplale, yu'un laj yil laj stsac sbaic ta c'op xchi'uc ti saduceoetique, xi laj sjac'bee: —¿C'usi junucal mantal ti x'ech' to tsots sc'oplal ta scotole?

LEQUIL ACH' C'OP

²⁸ C'alal iya'iic ti lec itac'batic yu'un ti Jesuse, Oy jun ti much'u ta xchanubtasvan ta smantaltac Rioxe, tey ya'yoj tic'usitic iyalbe sbaique, inopoj ech'el yo' bu ti Jesuse, ja' yech iyalbe chac li'i: —¿C'usi mantalil ti más tsots sc'oplal ta scotole? ―Xut.

Bible in Tzotzil de Chenalhó with Deuterocanon

²⁸ Te inoch'aj tal jun li boch'o lec xchanoj smantal Diose. Laj ya'ay ti te ta xlo'ilaj xchi'uc Jesús li saduceoetique. C'alal laj ya'ay ti lec itac'batic yu'un li Jesuse, jech la sjac'be ec li Jesuse: —Ta scotol li smantal Diose, ¿c'usi mantalil ti tsots sc'oplale? —xut.

Tzotzil de Huixtán

²⁸ Inopej talel jun jchi'il ti ichanubtasvan ti smantal ti Diose ti scuyoj sbae. Ja' laj ya'i ti yac'oj sba stsac sbaic ti c'op xchi'uc ti saduceoetique ti Jesuse. Laj sna' ti lec itac'av ti Jesuse, hech yu'un laj sjac'be ti Jesuse: ―Ti scotol ti smantal ti Diose ti laj yal ti Moisese, ¿c'usi mantalil ti más tsots sc'opilale? ―xchi.

Marcos 12:28 Cross References