Marcos 1:9 - Tzotzil San Andres

⁹ Cꞌalal yacal ta xacꞌanbe yichꞌ joꞌ li jchiꞌiltac li Juane, jaꞌ o ilocꞌ batel ta jteclum Nazaret li ta Galilea balumil li Jesuse. Te icꞌot ta ucꞌum Jordán, te iꞌacꞌbat yichꞌ joꞌ eꞌuc yuꞌun li Juane.

Tzotzil Zinacantan

⁹ Ti cꞌalal yolel chacꞌ ichꞌvoꞌ ti Juane, jaꞌo la ilocꞌ tal ta jteclum Nazaret ta estado Galilea ti Jesuse. Tey la icꞌot ta ucꞌum Jordán, iꞌacꞌbat la yichꞌ voꞌ uc yuꞌun ti Juane.

Bible in Tzotzil de Chamula

⁹ Ti jech yorail taje, ja' o loc' talel ti Jesús ta jteclum Nazaret ti oy ta Galilea banomile. Ac'bat yich' vo' yu'un ti Juan ta uc'um Jordane.

LEQUIL ACH' C'OP

⁹ Ti c'alal yolel chac' ich'vo' ti Juane, ja'o iloc' tal ta jteclum Nazaret ta yosilal Galilea ti Jesuse. Tey ic'ot ta uc'um Jordán, i'ac'bat yich' vo' yu'un ti Juane.

Bible in Tzotzil de Chenalhó with Deuterocanon

⁹ Ta yorail le'e ja'o iloc' tal ta lum Nazaret ta Galilea banamil li Jesuse; te i'ac'bat yich' vo' yu'un Juan ta uc'um Jordán.

Tzotzil de Huixtán

⁹ Hech yorail iloc' batel ti jteclum Nazaret ti Jesuse. Te oy ti estado Galilea ti Nazarete. Ic'ot ti uc'um Jordán ti Jesuse. Te i'ac'bat yich' ho' yu'un ti Juane.

Marcos 1:9 Cross References