San Lucas 9:16 - Tzotzil San Andres

¹⁶ Li Jesuse la stsac li joꞌpꞌej pane schiꞌuc li chaꞌcot choye. La sqꞌuel muyel ta vinajel, laj yalbe coliyal Dios. La xutilan li pane schiꞌuc li choye, laj yacꞌbe li yajchanbalajeltaque. Li yajchanbalajeltaque la spucbeic li epal crixchanoetique.

Tzotzil Zinacantan

¹⁶ Ti Jesuse jaꞌ la ixchꞌam ti voꞌpꞌej pane xchiꞌuc ti chaꞌcot choye. Isqꞌuel la vinajel, “colaval” xut la ti Rioxe. Jaꞌo la ixut ti pane, ixchꞌac la noxtoc ti choye, iꞌacꞌbatic la li lajchavoꞌe. Li lajchavoꞌe jaꞌ xa la iyacꞌbeic ti crixchanoetique.

Bible in Tzotzil de Chamula

¹⁶ Ti Jesuse laj stsac ti vo'bej pane xchi'uc ti cha'cot choye, laj stoy muyel sat ta vinajel, lic yalbe vocol ti Diose, lic sc'osilan ti choye, laj xet' ti pane, laj yac'be jelavel ti yajchanc'optaque yo' jech ta spucbeic ta scotol ti c'u yepal oyique.

LEQUIL ACH' C'OP

¹⁶ Ti Jesuse ja' ixch'am ti vo'p'ej pane xchi'uc ti cha'cot choye, isq'uel vinajel, iyac'be bentisyon ja' o ixut, iyac'be li yajchanc'optaque ti ja ac'u spucbeic li crixchanoetique.

Bible in Tzotzil de Chenalhó with Deuterocanon

¹⁶ Li Jesuse la stsac li vo'ob pane xchi'uc li cha'cot choye. La sq'uel muyel vinajel; la stojbe ta vocol Dios. La svoc' li pane xchi'uc li choye. Laj yac'be li yajchanc'optaque, yu'un ja' ac'o spucbeic li cristianoetique.

Tzotzil de Huixtán

¹⁶ Ti Jesuse laj stsac ti ho'ob muc'tic caxlan vaje xchi'uc ti cha'cot choye. Laj sq'uel muel vinajel, hech lic yalbe vocol ti Diose. Laj xet'ilan ti caxlan vaje, laj stuch'ilan ti choye, laj yac'be ti yajchanc'opetique. Ti yajchanc'opetique ba yac'beic ti xchi'iltaque.

San Lucas 9:16 Cross References