San Lucas 7:44 - Tzotzil San Andres

⁴⁴ Li Jesuse la sqꞌuelbe sat li antse, jech laj yalbe li Simone: ―Qꞌuelavil li ants liꞌi. Cꞌalal liꞌoch ta anae, muc buchꞌu la spocbun coc. Li ants liꞌi lispocbe coc ta yaꞌlel sat. Liscusbe ta stsotsil sjol nojtoc.

Tzotzil Zinacantan

⁴⁴ Ti Jesuse isqꞌuelbe la sat ti antse, jaꞌ la iscꞌopon ti Simone: ―Ti cꞌalal liꞌoch tale, muc muchꞌu lispocbe coc. Qꞌuelavil li ants liꞌi, jaꞌ lispocbe coc ta yaꞌlel sat. Liscusbe ta stsatsal sjol noxtoc.

Bible in Tzotzil de Chamula

⁴⁴ Va'i un, ti Jesuse sq'uel xch'a batel ti antse, xi laj yalbe ti Simone: —¿Mi xavil ti ants li'e? C'alal li'och talel ta anae, mu'yuc xavac'bun vo' yo' ta jpoc ti coque. Ja'uc ti ants li'e, ta ya'lel sat laj spocbun ti coque, laj staquijes ta stsatsal sjol.

LEQUIL ACH' C'OP

⁴⁴ Ti Jesuse isq'uelbe sat ti antse, xi iyalbe li Simone: ―¿Mi chavil li ants li'i? Ti c'alal li'och tal ta anae, muc' bu avac'bon vo' ta scuenta ta jpoc o coc; pero li ants li'i, ta ya'lel sat lispocbe, ta stsatsal sjol li scusbe noxtoc.

Bible in Tzotzil de Chenalhó with Deuterocanon

⁴⁴ Ijoyij li Jesuse, la sq'uel li antse; jech laj yalbe li Simone: —¿Me chavil c'usi tspas li ants li'i? C'alal li'och tal ta anae, muc xavac'bun vo' sventa cacan. Yan li ants li'i, laj xa spocbun cacan ta ya'lel sat. La scusbun ta stsotsil sjol noxtoc.

Tzotzil de Huixtán

⁴⁴ Hech yu'un laj sjoyp'in sba ti Jesuse. Laj sq'uel ti antse. Hech lic yalbe ti Simone: ―Q'uelo ti ants li'to. C'alal ni'och ti ana, muc xavac'bun ho' yu'un ti jpoc cacan. Ti ants li'to laj spocbun cacan ti ya'lel sat. Laj scusbun ti stsotsil sjol.

San Lucas 7:44 Cross References