San Lucas 5:27 - Tzotzil San Andres

²⁷ Cꞌalal la spas jech li Jesuse, ilocꞌ batel. Te iyil jun jtsobpatan, Leví sbi. Te chotol ta schotleb li yoꞌ bu ta stoj spatanic li crixchanoetique. Li Jesuse jech laj yalbe: ―Laꞌ chiꞌinun batel ―xut.

Tzotzil Zinacantan

²⁷ Ti cꞌalal laj spas yech ti Jesuse, ilocꞌ la teyoꞌe. Iyil la jun jcꞌan-locꞌ-cꞌusiticuc, tey la chotol ta xchotleb yoꞌ bu tscꞌanbe li slocꞌ cꞌusiticuque. Leví la sbi li vinique. ―Laꞌ, batic ―xꞌutat la yuꞌun ti Jesuse.

Bible in Tzotzil de Chamula

²⁷ Laj taj une, ti Jesuse loc' batel, sq'ueloj batel jun jc'an-patan-taq'uin sventa Roma, ti Leví sbie, ti chotol bu ta stojic ti patane. Xi albat yu'un ti Jesuse: —Tsacliun batel.

LEQUIL ACH' C'OP

²⁷ Ti c'alal laj spas yech ti Jesuse, iloc' teyo'e, Iyil jun jc'an-loc'-c'usiticuc, tey chotol ta xchotleb yo' bu tsc'anbe li sloc' c'usiticuque; Leví sbi li vinique, ja' yech iyalbe chac li'i: ―La', chi'inon ech'el―xut.

Bible in Tzotzil de Chenalhó with Deuterocanon

²⁷ C'alal jech ic'ot ta pasele, iloc' batel li Jesuse. Te laj yil jun jtsobpatan, Leví sbi. Te chotol ta xchotleb yo' bu ta xac' spatan li cristianoetique. Li Jesuse jech laj yalbe: —Ts'aclinun batel —xut.

Tzotzil de Huixtán

²⁷ Patil iloc' batel ti Jesuse. Te oy jun jtsobpatan, Leví sbi. Ja' Mateo sbi ti jc'optique. Te nacal yac'oj sba tstsob patan laj yil ti Jesuse. Hech yu'un hech laj yalbe: ―Chi'inun batel ―xut ti jtsobpatane ja' ti batem yo'nton chlo'lavan ti taq'uine.

San Lucas 5:27 Cross References