San Lucas 11:2 - Tzotzil San Andres

² Itacꞌav li Jesuse: ―Cꞌalal chataic ta naꞌel li Diose, xi xacꞌopojique: “Jtotic Dios ti te oyot ta vinajele, acꞌo me quichꞌotcutic ta mucꞌ jcotolcutic liꞌ ta balumile. Acꞌo me cꞌotuc scꞌacꞌalil chtal apas mantal atuc liꞌ ta balumile. Acꞌo me jaꞌuc jpascutic li cꞌusi chacꞌan liꞌ ta balumile jech chac cꞌu chaꞌal li te ta vinajele.

Tzotzil Zinacantan

² ―Ti cꞌalal chacꞌoponic Rioxe, xavalic chac liꞌi: Tot, Cajval, teyot ta vinajel, acꞌu quichꞌoticotic ta mucꞌ jcotolticotic liꞌ ta sba balamile. Jaꞌ ta jcꞌanticotic ti chapas mantal atuc liꞌ ta sba balamile. Ta vinajele jaꞌ tspasic li cꞌusitic lec chavile. Jaꞌ noꞌox yech acꞌu jpasticotic liꞌ ta sba balamil li cꞌusitic lec chavile.

Bible in Tzotzil de Chamula

² Ti Jesuse xi laj yale: —Xi xavalic c'alal ta xac'opoj xati'inique: ‘Jtotic Dios, oyot ta vinajel, ich'biluc ta muc' ach'ul bi cu'uncutic. La' ventainuncutic. C'otuc ta pasel c'usi ta sc'an avo'nton li' ta banomile jech c'u cha'al ta xc'ot ta pasel ta vinajele.

LEQUIL ACH' C'OP

² Ti Jesuse ja' yech iyalbe chac li'i: C'alal chac'oponic Rioxe, ja' yech xavalic chac li'i: “Tot, ich'biluc ta muc' li ach'ul bie. Ac'u sta yorail ti chapas mantale.

Bible in Tzotzil de Chenalhó with Deuterocanon

² Itac'ov li Jesuse: —C'alal chac'opanic Diose, jech xavalic: ‘Jtotic Dios, ich'biluc ta muc' li abie. Ac'o sta yorail chapas mantal, [ac'o pasuc c'usi tsc'an avo'nton li' ta banamil jech chac c'u cha'al te ta vinajele].

Tzotzil de Huixtán

² Ti Jesuse hech lic yalbe ya'yic: ―C'alal chac'oponic Dios, hech me xavalbeic: Jtotic Dios, te oyot ti vinajel, ac'o xajpasotutic ti muc'. Ac'o sta yorail chapas mantal atuc li' ti balumile. Ac'o c'otuc ti pasel li' ti balumile ti c'usi tsc'an ti avo'ntone hech chaj c'u che'el c'otem ti pasel ti vinajel.

San Lucas 11:2 Cross References