San Juan 7:32 - Tzotzil San Andres

³² Li jfariseoetique iyaꞌiic ti jaꞌ jech ta xloꞌilajic li buchꞌutic la schꞌunic xa ti jaꞌ Jesús li buchꞌu tꞌujbil yuꞌun Dios ti scꞌoplal onoꞌox chtal ventainvanuque. Jaꞌ yuꞌun li banquilal paleetique schiꞌuc li jfariseoetique laj yalbeic jayvoꞌ yajmayolic ti acꞌo stsaquic li Jesuse.

Tzotzil Zinacantan

³² Ti jfariseoetique iyaꞌiic ti jaꞌ xa yech ta xmixmixꞌalic ti crixchanoetique ti jaꞌ ti muchꞌu tꞌujbil yuꞌun Riox ti scꞌoplal onox chtal spasoticotic ta mantale. Yechꞌo un ti totil paleetique xchiꞌuc ti jfariseoetique iyalbeic jayvoꞌ jchabiejtemplo ti acꞌu stsaquic ti Jesuse.

Bible in Tzotzil de Chamula

³² Ti fariseoetique laj ya'iic ti c'u s'elan ta xalbeic sc'oplal ti Jesuse. Ti stuquique xchi'uc ti banquilal yu'un ti paleetique, laj staquic batel mayoletic yu'un ti ch'ulnae yo' ta stsaquic talel ti Jesuse.

LEQUIL ACH' C'OP

³² Ti jfariseoetique iya'iic ti c'u x'elan chalbeic sc'oplal ti Jesuse; yech'o un ti totil paleetique xchi'uc ti jfariseoetique co'ol isnopic ti istaquic ech'el jchabiej temploetic ti ac'u ba stsaquic tal ti Jesuse.

Bible in Tzotzil de Chenalhó with Deuterocanon

³² Li fariseoetique laj ya'yic ti ja' xa jech ta xlo'ilajic ta sventa Jesús li cristianoetique. Ja' yu'un li banquilal paleetique xchi'uc li fariseoetique la staquic batel mayoletic, yu'un ac'o bat stsaquic tal li Jesuse.

Tzotzil de Huixtán

³² Laj ya'yic ti fariseoetique ti hech chlo'lajic ti much'u laj xa xch'unic ti ja' ti Cristoe. Hech yu'un ti totil paleetique xchi'uc ti fariseoetique laj staquic batel yajmayoletic yu'un ac'o stsaquic tal ti Jesuse.

San Juan 7:32 Cross References