San Juan 6:53 - Tzotzil San Andres

⁵³ Li Jesuse jech itacꞌav: ―Melel li cꞌusi chacalbeique, mi muc bu alajesojic li jbecꞌtale, joꞌon li coꞌol crixchanoutique, mi muc bu avuchꞌojic li jchꞌichꞌele, mu xacuxiic o sbatel osil.

Tzotzil Zinacantan

⁵³ Iꞌalbatic yuꞌun ti Jesuse: ―Ta melel chacalbeic, mi mu xalajesic li jbecꞌtale, voꞌon ti coꞌol crixchanootique, mi mu xavuchꞌic li jchꞌichꞌele, mu onox xacuxiic ta sbatel osil.

Bible in Tzotzil de Chamula

⁵³ Xi laj yal ti Jesuse: —Ta xcalboxuc ava'iic ta melel, mi mu xave'ic ti jbec'tal ti vu'un co'ol j'elantique, mi mu xavuch'ic ti jch'ich'ele, mu xata acuxlejalic.

LEQUIL ACH' C'OP

⁵³ I'albatic yu'un ti Jesuse: ―Ta melel chacalbeic, mi mu xa ve'ic li jbec'tal jtacupal vo'on ti Xch'amal crixchano li c'ote, mi mu xavuch'ic li jch'ich'ele, mu xacuxiic ta sbatel osil.

Bible in Tzotzil de Chenalhó with Deuterocanon

⁵³ Li Jesuse jech laj yalbe: —Jamal ta xcalboxuc ava'yic, me mu'yuc chave'bicun jbec'tal, vu'un ti Xnich'on cristiano lic'ote, me mu'yuc chavuch'bicun li jch'ich'ale, mu'yuc acuxlejalic o.

Tzotzil de Huixtán

⁵³ Ti Jesuse hech laj yalbe: ―Melel ti c'usi chacalbeique mi mu ave'ojbucun ti jbec'tale, ho'on ti co'ol crixchanoucutique, mi mu avuch'ojbucun ti jch'ich'ele, mu'yuc acuxlejalic sbatel osil.

San Juan 6:53 Cross References