San Juan 19:15 - Tzotzil San Andres

¹⁵ Li jchiꞌiltaque tsots la stacꞌbeic li Pilatoe: ―¡Acꞌo chamuc, acꞌo jocꞌanatuc ta cruz! ―xiic. Li Pilatoe jech la sjacꞌbe li jchiꞌiltaque: ―¿Mi lec ti ta xcacꞌ ta jocꞌanel ta cruz li ajvalil avuꞌunique? ―xut. Itacꞌav li banquilal paleetique: ―Maꞌuc ajvalil cuꞌuncutic leꞌe. Jun noꞌox li mucꞌta ajvalil cuꞌuncutique, jaꞌ li Césare ―xiic.

Tzotzil Zinacantan

¹⁵ Xꞌavlajetic xa liquel ti jchiꞌiltaque: ―¡Acꞌu chamuc! ¡Jipano ta cruz! ―xiic. ―¿Mi lec ti ta jipan ta cruz li muchꞌu chaspasic ta mantale? ―xꞌutatic yuꞌun ti Pilatoe. ―Maꞌuc chispasoticotic ta mantal leꞌe. Jun noꞌox ti muchꞌu chispasoticotic ta mantale, jaꞌ ti Césare ―xiic ti totil paleetique.

Bible in Tzotzil de Chamula

¹⁵ Xi avanique: —¡Ac'o chamuc! ¡Ac'o chamuc! ¡Jipano ta curus! Xi laj sjac' ti Pilatoe: —¿Mi yu'un vu'un ta jipan ta curus ti ajvalil avu'unique? Xi laj staq'uic ti banquilal paleetique: —Mu'yuc yan, ja' no'ox ajvalil cu'uncutic ti Cesare.

LEQUIL ACH' C'OP

¹⁵ X'avlajetic xa liquel scotolic: ―¡Loq'ueso ech'el! ¡Loq'ueso ech'el! ¡Joc'ano ta cruz! ―Xiic. Ijac'batic yu'un ti Pilatoe: ―¿Mi lec xa na'ic ti ta jipan ta cruz lavajreyique? ―X'utatic. Ti totil paleetique xi istaq'uique: ―¡Li vo'oticotique chabal yan rey cu'unticotic, ja' no'ox ti Cesare! ―Xiic.

Bible in Tzotzil de Chenalhó with Deuterocanon

¹⁵ Tsots i'avanic yan velta: —¡Ac'o chamuc, ac'o chamuc, ac'o joc'anatuc ta cruz! —xiic. Li Pilatoe jech la sjac': —¿Me chcac' ta joc'anel ta cruz li Ajvalil avu'unique? —xut. Itac'ov li banquilal paleetique: —Mu'yuc yan ajvalil cu'uncutic; ja' no'ox li Cesare —xiic.

Tzotzil de Huixtán

¹⁵ Ti jchi'iltaque hech laj yavtaic ti Pilatoe: ―¡Ac'o milatuc, ac'o milatuc, ac'o ba milatuc ti cruz! ―xchiic. Ti Pilatoe hech laj sjac'beic: ―¿Mi lec mi chcac' ti milel ti cruz ti ajvalil avu'unique? ―xut. Hech itac'av ti totil paleetique: ―Ma'uc ajvalil cu'untutic lume. Ja' ajvalil cu'untutic stuc ti Cesare ―xchiic.

San Juan 19:15 Cross References