San Juan 18:37 - Tzotzil San Andres

³⁷ Li Pilatoe jech laj yalbe: ―Yuꞌun joꞌot ajvalilot chaꞌa ―xut. Itacꞌav li Jesuse: ―Joꞌon ajvalilun. Ti tal vocꞌcun liꞌ ta balumile, yoꞌ tal cal li cꞌop ti jaꞌ melele. Scotol buchꞌutic tscꞌan chaꞌiic li cꞌusi melele, jaꞌ chaꞌibecun li jcꞌope ―xut.

Tzotzil Zinacantan

³⁷ ―Yuꞌun voꞌot chapas mantal cheꞌe ―xꞌutat yuꞌun ti Pilatoe. ―Voꞌon. Ti tal ayancon liꞌ ta sba balamile, jaꞌ tal cal li cꞌusitic yeche. Scotol ti muchꞌutic tscꞌan chaꞌiic li cꞌusitic yeche, jaꞌ chaꞌiic li cꞌusitic chcale ―xi ti Jesuse.

Bible in Tzotzil de Chamula

³⁷ Xi laj yal ti Pilatoe: —Ati xcaltic un cha'e, ajvalilot. Xi laj stac' ti Jesuse: —Ajvalilun jech c'u cha'al ta xavale. Yu'un ja' jtu ti tal voc'cun ta banomile yo' tal cal ti c'usi ja' melel ta stojol ti jnaclejetic ta banomile. Scotolic ti buch'utic ta xc'ot ta yo'nton ta xch'unel ti c'usi ja' melele, ta xa'iic ti c'usi ta xcale.

LEQUIL ACH' C'OP

³⁷ Yech'o un, ti Platoe xi isjac'bee: —¿Yu'un vo'ot reyot che'e? ―Xut. Itac'av ti Jesuse: —Vo'ot aval atuc: vo'on reyon. Li vo'one tal ayancon li' ta balamile, yu'un tal cal li c'usi melele. Scotol ti much'utic ja' nap'ajtic o li melele, cha'iic li c'usi chcale.

Bible in Tzotzil de Chenalhó with Deuterocanon

³⁷ Li Pilatoe jech laj yalbe: —¿Yu'un ono'ox vo'ot ajvalilot cha'e? —xut. Itac'ov li Jesuse: —Vo'ot chloc' ta ave atuc ti vu'un ajvalilune. Ja' sventa ti tal voc'cune, xchi'uc ja' sventa ti lital li' ta banamile, yu'un tal cal li c'usi melele. Scotol li boch'otic oyic ta sventa li c'usi melele ja' ta xa'ibicun li jc'ope —xut.

Tzotzil de Huixtán

³⁷ Ti Pilatoe hech laj yalbe: ―Hech yu'un ajvalilot che'e ―xchi. Hech itac'av ti Jesuse: ―Ajvalilun. Ja' sventail ti tal anucun li' ti balumile yu'un ti jchol ti c'op ti ja' melele. Scotol ti much'utic sc'an cha'yic ti c'usi melele, ja' chiya'ibun jc'op ―xchi.

San Juan 18:37 Cross References