Hechos 9:27 - Tzotzil San Andres

²⁷ Pero li Bernabée iyicꞌ batel ta stojol li yajtacbalaltac Jesús li Sauloe. Li Bernabée laj yalanbe ti iyil ta be li Cajvaltic li Sauloe, ti icꞌoponate. Laj yal nojtoc ti jamal laj yalbe scꞌoplal Jesús li te ta Damascoe.

Tzotzil Zinacantan

²⁷ Pero ti Bernabee iyicꞌ la echꞌel li Sauloe yoꞌ bu li apoxtoletique. ―Li Saulo liꞌi iyil ta be ti Cajvaltic Jesuse, icꞌoponat. Jamal iyalbe scꞌoplal Jesús ta Damascoe ―xut la apoxtoletic ti Bernabee.

Bible in Tzotzil de Chamula

²⁷ Manchuc mi jech un, ti Bernabee yic'oj batel, bat sva'an ta stojolal ti jcholc'opetique. Laj xchapbe ya'i ti c'u s'elan laj yil Cajvaltic ta be ti Sauloe xchi'uc ti c'u s'elan c'oponat talel yu'un ti Cajvaltique, xchi'uc ti mu stsiq'uetuc yo'nton laj yalbe sc'oplal Jesús ta Damascoe.

Bible in Tzotzil de Chenalhó with Deuterocanon

²⁷ Pero li Bernabee laj yic' batel ta stojol yajtacbolaltac Jesús li Sauloe. Laj yalbe ya'yic ti laj yil ta be li Cajvaltique, ti ic'opanate, xchi'uc ti lec tsots yo'nton jamal la xcholbe sc'oplal Jesús te ta Damascoe.

Tzotzil de Huixtán

²⁷ Hech yu'un ja' ti Bernabee, laj yic' batel ti Sauloe, ba sva'an ti stojol ti jcholc'opetique. Ti Bernabee laj xcholbe ya'yic c'u x'elan laj yil ti be ti Cajvaltique ti Sauloe, ti c'u che'el ic'oponat yu'une. Laj yalbe uc ti jamal laj xcholbe sc'opilal ti Jesuse ti Sauloe te ti Damasco.

Hechos 9:27 Cross References