Hechos 7:43 - Tzotzil San Andres

⁴³ Yuꞌun la acuchic talel avajrioxic, Moloc sbi, ti tiqꞌuil talel ta scaxaile. Schiꞌuc la avichꞌic talel li slocꞌol cꞌanal ti jaꞌ avajrioxique, jaꞌ li Renfán sbie. Jaꞌ apasojic yuꞌun jaꞌ chavichꞌic ta mucꞌ. Ta scoj ti jech chapasique jech chajtaquic loqꞌuel li ta avosilalique. Te chabatic ta jelavel Babilonia balumil, xi onoꞌox tsꞌibabil.

Tzotzil Zinacantan

⁴³ Yuꞌun la iscuchic tal ti yajsantoic Moloc sbie, istiqꞌuic la tal ta caxa. Iyichꞌic la tal noxtoc slocꞌol cꞌanal ti jaꞌ yichꞌojic ta muqꞌue, ti Renfán sbie. Ti cꞌusitic islocꞌtaique, jaꞌ la iyichꞌic ta mucꞌ. Ti jaꞌ noꞌox yech chapasic uque, ta la xaloqꞌuic echꞌel liꞌ ta jlumaltique. Chabatic la ta sjelavel jteclum Babilonia, xi onox tsꞌibabil.

Bible in Tzotzil de Chamula

⁴³ Bu xata un, ja' no'ox acuchojic batel ti avajdiosic Moloc ti tiq'uil ta xcaxaile, xchi'uc sloc'obbail ti dios Refán sbi ti co'ol s'elan c'anale, loc'obbailetic ti laj ameltsan ta ac'obique yo' ta xanijan xachiman abaic ta yich'el ta muc'. Jech o xal laj jbec'oxuc loq'uel ta avosil abanomilic ti jelavel to ta Babilonia labatique.’

Bible in Tzotzil de Chenalhó with Deuterocanon

⁴³ Ja' no'ox laj acuchic batel adiosic Moloc, tiq'uil ta sna pasbil ta nucul. Xchi'uc laj avich'ic batel li sloc'obal c'anal apasoj ta adiosique, ja' li Refán sbie. Ja' apasojic sloc'obaltac, yu'un chavich'ic ta muc'. Ja' yu'un chajtacoxuc batel ta sjelovel to Babilonia banamil’, xi ono'ox ts'ibabil.

Tzotzil de Huixtán

⁴³ Ja' laj avich'ic batel ti santo Moloc sbi tiq'uil ti sna pasbil ti nucul. Laj avich'ic batel uc ti sc'anal ti avajsantoe, ja' ti Renfán sbie. Ja' pasbil avu'unic yu'un chach'unic. Hech yu'un chajtenoxuc loq'uel ti alumalic. Chabatic ti yech'el slumal Babilonia, x'utatic yu'un ti Diose c'alal i'ochic xa ti Canaane.

Hechos 7:43 Cross References