Hechos 23:20 - Tzotzil San Andres

²⁰ Itacꞌav li quereme: ―Li jchiꞌiltac ta israelale oy cꞌusi la smeltsanbeic scꞌoplal. Ta la xtal scꞌanbecot ti acꞌo xavicꞌ batel ocꞌob ta stojol li jꞌabteletic li te ta mucꞌta chꞌulna li Pabloe. Ta la spꞌis sbaic ti ta smeltsanbeic scꞌoplale.

Tzotzil Zinacantan

²⁰ ―Li jchiꞌiltac ta jurioale oy cꞌusi isnopic. Ta la xtal yalbot ti chavicꞌ echꞌel ocꞌob ta stojol jmeltsanejcꞌopetic ta mucꞌta templo li Pabloe. Yuꞌun la ta smeltsanbeic scꞌoplal ti ta alele.

Bible in Tzotzil de Chamula

²⁰ Xi laj yal ti quereme: —Ti israeletique laj xa scomonopic ti oc'ome ta xtal sc'anbot ti avic'uc batel ti Pablo ta Muc'ul Tsobleje yu'un la sc'an ta st'unic lec c'usi ti smule.

Bible in Tzotzil de Chenalhó with Deuterocanon

²⁰ Itac'ov li quereme: —Li jchi'iltaccutic ta judioale laj xa xchapanic ti chtal sc'anbicot vocol ti oc'om ac'o avic' batel ta stojol jchapanvanejetic ta ch'ulna li Pabloe, yu'un la oy c'usi lec ta sjac'beic.

Tzotzil de Huixtán

²⁰ Hech itac'av ti quereme: ―Ti jchi'iltaque ti comon laj xa xchapic sc'opic. Ta la xtalic yu'un chayalbot vocol yu'un oc'om chavic' loq'uel tal ti Pabloe yu'un chava'an ti stojol scotol ti totiletic cu'untutique, hech chaj c'u che'el oy to c'usi tsjac'beic.

Hechos 23:20 Cross References