Hechos 19:27 - Tzotzil San Andres

²⁷ Toj chopol li a sba tspase. Yuꞌun ta xchꞌay li cabteltique, mu xa cꞌusi chtun o yuꞌunic. Jech nojtoc mu xa xaqꞌuic ta venta li chꞌulna li yoꞌ bu tiqꞌuil li jchꞌulmeꞌtic Dianae. Jech mu xa xꞌichꞌe ta mucꞌ nojtoc li jchꞌulmeꞌtic Diana li ichꞌbil ta mucꞌ yuꞌun scotol li crixchanoetic liꞌ ta Asia balumile schiꞌuc ta spꞌejel balumile ―xi li Demétrioe.

Tzotzil Zinacantan

²⁷ Chopol tajmec ti xꞌelan tspase, cꞌuncꞌun ta xchꞌay li cabteltique, mu xa cꞌu stu liquel. Jaꞌ noꞌox yech mu xa xichꞌic ta mucꞌ liquel li eclexae yoꞌ bu chotol li jchꞌulmeꞌtic Dianae. Jaꞌ noꞌox yech mu xa xichꞌic ta mucꞌ liquel li jchꞌulmeꞌtic Dianae ti batsꞌi ichꞌbil ta mucꞌ yuꞌun scotol crixchanoetic liꞌ ta Asiae xchiꞌuc ta sjunlej li balamile ―xi la ti Demetrioe.

Bible in Tzotzil de Chamula

²⁷ Ti jech taje, toj xi'bal sba. Xu' ta xc'ot ta xch'ayel ti jbolomaltique. Xu' ta soc sc'oplal xch'ul na ti jmuc' ta ch'ul me'tic Dianae, ti ich'bil ta muq'ue. Ti jech taje, ta xch'ay sc'oplal ti yutsil slequilal ti jme'tique c'alal ich'bil ta muc' li' ta Asiae xchi'uc ta scotol ti banomile.

Bible in Tzotzil de Chenalhó with Deuterocanon

²⁷ Ta sventa le'e mu ja'uc no'ox xu' mu'yuc stu chc'ot li cabteltique. Xu' mu'yuc xa stu chc'ot noxtoc li xch'ulna jme'diostic Dianae. Jech noxtoc xu' mu xa x'ich'at o ta muc' li jme'diostic Diana ti lec ich'bil ta muc' yu'un scotol cristianoetic li' ta Asia banamil xchi'uc ta sbejel banamile”, xi li Demetrioe.

Tzotzil de Huixtán

²⁷ Ja' vocol mi chtup' ti cabteltique. Mu xtun uc mi mu spasat ti muc' ti ch'ulna yu'un ti jch'ulme'tic Dianae. Mu xtun mi mu xa spasic ti muc' ti jch'ulme'tic Diana uque. Yu'un ja' pasbil ti muc' ti scotol slumal Asia xchi'uc ti sjoylejal balumil ―xchi.

Hechos 19:27 Cross References