Hechos 18:28 - Tzotzil San Andres

²⁸ Muc bu xal yoꞌon, jamal laj yal scꞌop Dios ta stojol li schiꞌiltac ta israelale. Laj yalanbe yaꞌiic ti iꞌay xa li buchꞌu tsꞌibabil onoꞌox scꞌoplal ta scꞌop Dios ti tꞌujbil yuꞌun Dios ti chventainvane, jaꞌ li Jesuse. Oy smelol li cꞌusi laj yale jech muc bu xtacꞌavic jpꞌeluc li schiꞌiltaque.

Tzotzil Zinacantan

²⁸ Mu la bu ixiꞌ, jamal la iyalbe xchiꞌiltac ti iꞌay xa ti muchꞌu tsꞌibabil onox scꞌoplal ta scꞌop Rioxe ti chtal pasvanuc ta mantale, jaꞌ ti Jesuse. Lec la smelol ti cꞌusi iyale, muc la xtacꞌavic jpꞌeluc li xchiꞌiltaque.

Bible in Tzotzil de Chamula

²⁸ Yu'un ta xac'be sna' ti israeletique, mu'yuc stuq'uil ti c'u s'elan ta snopique. Mu ja'uc stac' spac ti sc'oplalique, yu'un ta stam loq'uel ta sc'op Dios ti Cristo ti ta smalaique, ja' ti Jesuse.

Bible in Tzotzil de Chenalhó with Deuterocanon

²⁸ Yu'un tsots yo'nton jamal laj yac' ta ilel ta satilal ti mu jechuc c'u x'elan xch'unojic li xchi'iltac ta judioale. Laj yac'be yilic bu ts'ibabil ta sc'op Dios ti ja' Cristo li Jesuse.

Tzotzil de Huixtán

²⁸ Jamal laj yalbe ti xchi'iltaque ti stojol ep crixchanoetic ti ja' Jcoltavanej ti Jesuse. Laj yac'be sna'ic ti hech ts'ibabil ti sun ti Diose. Oy yip ti sc'op ti Apolose hech muc xu' xtac'avic mi jutuc ti xchi'iltaque.

Hechos 18:28 Cross References