Hechos 14:19 - Tzotzil San Andres

¹⁹ Te italic jayvoꞌ jꞌisraeletic li liquemic talel ta jteclum Antioquía schiꞌuc ta jteclum Iconio. Lic socanbe sjol li crixchanoetic li te ta Listrae, jech lic yacꞌbeic ton li Pabloe. La sjochic loqꞌuel ta tiꞌ jteclum yuꞌun iyalic ti chamem xae.

Tzotzil Zinacantan

¹⁹ Jaꞌo la tey icꞌotic jayvoꞌ jurioetic, liquemic la tal ta Antioquía xchiꞌuc ta Iconio. Lic la socbe sjol ti crixchanoetic ta Listrae, lic la acꞌbatuc ton li Pabloe. Iquile la loqꞌuel ta tiꞌ jteclum yuꞌun la icham xa ti yalojique.

Bible in Tzotzil de Chamula

¹⁹ Ti jech xyaquet taje, ja' o c'otic jun chib israeletic liquemic talel ta Antioquiae, ta Iconio jteclume, ti laj syanijesbeic yo'ntonic ti jnaclejetic taje. Va'i un, laj spujbeic ton ti Pabloe. Yac'toicuc ti cham xa yu'unique. Laj xjochic loq'uel ta sti'il jteclum.

Bible in Tzotzil de Chenalhó with Deuterocanon

¹⁹ Te italic jayibuc judioetic liquemic tal ta lum Antioquía xchi'uc ta lum Iconio, ja' la socbeic sjol li epal cristianoetique, jech lic yac'beic ton li Pabloe. La xjochic loq'uel ta ti'lum, yu'un chamen xa laj yilic.

Tzotzil de Huixtán

¹⁹ Ital judioetic liquemic tal ti jteclum Antioquía xchi'uc ti jteclum Iconio, ja' ti mu xch'unic ti ital xa ti Cristoe. Tal yac'beic c'op ti crixchanoetique ti te nacajtic ti jteclum Listrae. Hech yu'un lic yac'beic ton ti Pabloe. Ti comon laj xchechic loq'uel ti jteclum yu'un laj scuyic ti chamen xae.

Hechos 14:19 Cross References