Hechos 12:17 - Tzotzil San Andres

¹⁷ Li Pedroe la syeꞌ scꞌob ti acꞌo chꞌan xiicuque. Te lic slaban li cꞌu sba iloqꞌuesat ta chuquel yuꞌun li Cajvaltique. Jech laj yal nojtoc: ―Alanbeic Jacobo schiꞌuc li buchꞌutic yan ti coꞌol quichꞌojtic ta mucꞌ li Cajvaltic jchiꞌuctique, ti lilocꞌ xa ta chuquele ―xi. Ilocꞌ batel li Pedroe, ibat ta yan jteclum.

Tzotzil Zinacantan

¹⁷ Iyacꞌ la seña ta scꞌob li Pedroe ti chꞌaniicuque. Lic la yal ti cꞌu xꞌelan iloqꞌuesat ta chuquel yuꞌun ti Cajvaltique. ―Albeic noxtoc li Jacoboe xchiꞌuc li jchiꞌiltactic ta xchꞌunel li scꞌop Rioxe ti lilocꞌ xa ta chuquele ―xut la ti muchꞌutic tey tsobole. Li Pedroe ibat la ta jun o jteclum.

Bible in Tzotzil de Chamula

¹⁷ Jech ti Pedroe laj spas senyail ta sc'ob ti ac'o ts'ijlicuque. Lic yal c'u s'elan loq'uese ta chuqinab yu'un ti Diose. Oy to ti xi laj yale: —Albeic ya'i ti Santiagoe xchi'uc ti yan jch'unolajeletic ti va'i s'elan taje. Ts'acal to un, ti Pedroe loc' batel, slecoj bu bat.

Bible in Tzotzil de Chenalhó with Deuterocanon

¹⁷ Li Pedroe la spas sc'ob ti ac'o ch'an xiicuque. Jech te lic yalbe ya'yic c'u x'elan iloq'uesat ta chuquel yu'un li Cajvaltique. Jech laj yal noxtoc: —Albo ya'yic Santiago xchi'uc yantic quermanotactic li c'usi ic'ot ta pasele —xi. Jech iloc' batel, ibat ta yan lum.

Tzotzil de Huixtán

¹⁷ Ti Pedroe laj sjim sc'ob yu'un ac'o ch'aniuc. Hech lic xcholbe ya'yic c'u che'el icoltaat loq'uel tal ti chuquel yu'un ti Cajvaltique. Hech laj yalbe uc: ―Albo ya'i uc ti Jacoboe xchi'uc ti yan quermanotique ti nicol xa loq'uel tal ti chuquel ―xchi. Hech iloc' batel, ibat ti yan jteclum.

Hechos 12:17 Cross References