Hebreos 9:15 - Tzotzil San Andres

¹⁵ Jaꞌ yuꞌun li Jesucristoe jaꞌ xa sventainoj li cꞌusi tsꞌacal to iyal li Diose. Ti icham ta jcojtic li Cristoe, jech ta jꞌechꞌel istojbutic o li cꞌu yepal jmultic li cꞌalal jaꞌ toꞌox oyutic ta sventa li cꞌusi baꞌi iyal li Diose. Iyicꞌutic xa ta stojol li Diose, jech ta onoꞌox xquichꞌtic li jcuxlejaltic li yaloj ti chijyacꞌbutic sbatel osile.

Tzotzil Zinacantan

¹⁵ Yechꞌo un ti cꞌusi tsꞌacal to iyal ti chiyacꞌbotic ti Rioxe, jaꞌ xa scuentainoj ti Jesucristoe. Ti icham ta scoj jmultic ti Cristoe, jꞌechꞌel listojbotic ti cꞌu yepal jmultic cꞌalal jchꞌunojtic toꞌox ti cꞌusi baꞌyi yaloj ti Rioxe. Lavi yicꞌojotic xa ti Rioxe, ta onox xquichꞌtic li jcuxlejaltic ta sbatel osile ti yaloj onox chiyacꞌbotique.

Bible in Tzotzil de Chamula

¹⁵ Jech o xal un, ti Jesucristoe ja' xa sva'anoj sba ta yet'esel c'op yu'un ti ach' tratee, mi ja' ti rextomentoe, yu'un ti jech cham ti Cristoe, ja' ta sventa yo' ta staic ti ch'aybil ta xc'ot smulic ti buch'utic laj staic talel c'alal oyic to ox ta stojol ti ba'yel tratee, xchi'uc ta xc'ot ta pasel yu'un ta xich'ic xrextoic sventa sbatel osil ti buch'utic ic'bilic yu'un ti Diose, ja' ti jech ono'ox yaloje.

Bible in Tzotzil de Chenalhó with Deuterocanon

¹⁵ Ja' yu'un ja' xa jc'opojel cu'untic ta sventa li c'usi ach' la xchapan Diose, yu'un ja' la xch'ay ta sventa icham li jmul jtaojtic ta sventa ti muc xch'un cu'untic li c'usi ba'yuc chapanbile. Li boch'otic ic'bilic xae, chich'ic li c'usi albil ono'ox sc'oplal ch-ac'batic sventa sbatel osile.

Tzotzil de Huixtán

¹⁵ Hech yu'un ja' sventainoj ti ach' trato ti Cristoe. Yu'un ja' icham yu'un scotol jmultic hech yu'un laj xa stojbucutic ti c'u yepal laj jta jmultique c'alal oyucutic to ti sventa ti primero tratoe. Hech yu'un ho'ucutic ti laj xa yic'ucutic ti stojol ti Diose, hech chquich'tic scotol ti c'utic leque ti chijyalbucutic ti chquich'tic sventa sbatel osil.

Hebreos 9:15 Cross References