Hebreos 6:17 - Tzotzil San Andres

¹⁷ Jaꞌ jech eꞌuc li Diose, iyal ti jaꞌ textico stuque yuꞌun tscꞌan ti ta jchꞌuntic o ti ta xcꞌot onoꞌox ta pasel li cꞌusi yaloje jech chac cꞌu chaꞌal ischꞌun li Abrahame. Yuꞌun mi coꞌol jchꞌunojtic jchiꞌuctic li Abrahame, joꞌotic snitilulutic Abraham ta xil li Diose.

Tzotzil Zinacantan

¹⁷ Jaꞌ noꞌox yech ti Rioxe, tscꞌan ti acꞌu jchꞌuntic, voꞌotic ti smomotic ti Abraame, ti chcꞌot onox ti cꞌusi yaloje chac cꞌu chaꞌal ixchꞌun ti Abraame, yechꞌo ti stuc isvaꞌan sba ta rexticoale.

Bible in Tzotzil de Chamula

¹⁷ Lec un cha'e, ja' jech ti Diose jbel sc'oplal sc'an svinajes ti jech bejel com o ti c'u s'elan laj sva'an sba ta rextico ta yalel ti oy c'usi ta xac'be yich'ic ti buch'utic ta xich'ic ti rextoil ti laj sva'an sba ta yalele.

Bible in Tzotzil de Chenalhó with Deuterocanon

¹⁷ Ja' no'ox jech ec li Diose solel laj yac' lec ta ilel ti jbel sc'oplal chac' li c'usi yaloj ono'ox chac'be li boch'otic sc'oplal chac'bee. Jech lic yal ta jamal ta sventa sbi stuc noxtoc, yu'un jech chvinaj ti mu xlaj sc'oplal oe.

Tzotzil de Huixtán

¹⁷ Hech uc ti Diose laj sc'an ti j'ech'el ti jch'untic xchi'uc ti Abrahame ti chc'ot ti pasel ti c'u che'el laj xa yalbe ti Abrahame. Ja' jc'opilaltic ti ho'ucutique ti yelnich'onucutic ti sventa xch'unojel yo'nton. Hech yu'un stuc tsva'an sba ti rextico ti Diose.

Hebreos 6:17 Cross References