Hebreos 4:12 - Tzotzil San Andres

¹² Yuꞌun li scꞌop Diose tsots, jaꞌ yuꞌun tstij coꞌontic. Jech chac cꞌu chaꞌal machita mi lec juxbil schaꞌjotol yee, xuꞌ ta sta cꞌalal ta schinamil jbaquiltic mi oy buchꞌu chijyacꞌbutique. Jaꞌ más tstij coꞌontic li scꞌop Diose. Yuꞌun jaꞌ sventa chquiltic o cꞌu sba coꞌontic, mi lec, mi chopol li cꞌusi ta jnoptic schiꞌuc li cꞌusi ta jcꞌantique.

Tzotzil Zinacantan

¹² Li scꞌop Rioxe cuxul. Mi ta jchꞌuntique, chquiltic ti chcꞌot li cꞌusitic chale. Jaꞌ chcaꞌitic o mi lec, o mi chopol, li cꞌusitic ta jnoptique. Más oy ye yaꞌel; jaꞌ jutuc noꞌox ye li espadae ti juxbil xchaꞌjotol yee, xuꞌ to xmac ta bac. Yan li scꞌop Rioxe mu cꞌusi chmac o.

Bible in Tzotzil de Chamula

¹² Yu'un ti sc'op Diose, cuxul, oy stsatsal, ja' mu sta jech ti c'usuc no'ox espadail ti yich'oj cha'jot yee. Yu'un ta xc'ot c'alal to yut o'ntonal, ti bu xa c'alal ti c'usi ta snopilane, ta svinajesel ti c'usi oy ta yut yo'ntone.

Bible in Tzotzil de Chenalhó with Deuterocanon

¹² Yu'un li sc'op Diose cuxul, oy stsatsal, ech'em to jech chtuch' jelovel yu'un jech chac c'u cha'al espada ti cha'jot lec yee. Ch-och c'alal to ta yut jol co'ntontic. Tsli' jelovel c'alal to ta jts'acaliltic, c'alal to ta jch'uxuviltic. Xchi'uc sna' c'usi oy ta co'ntontic, xchi'uc c'usitic ta jnoptic.

Tzotzil de Huixtán

¹² Cuxul ti sc'op ti Diose, hech yu'un oy yip ch-abtej. Hech chaj c'u che'el machit ti oy lec yee, mi hech sc'an ti much'u stsacoje, tsta xchinamil jbaqueltic. Jelaven to hech chistijbucutic co'ntontic ti sc'op ti Diose. Ja' sq'uelojbucutic scotol co'ntontic. Sna'oj scotol ti c'usi ti jnoptique. Sna'oj scotol ti c'usi ti jc'antique.

Hebreos 4:12 Cross References