Hebreos 13:3 - Tzotzil San Andres

³ Naꞌic me li buchꞌutic ochemic ta chuquele. Nop avaꞌiic ti joꞌcoxuc chuculoxuque, chacꞌanic coltael eꞌuc. Schiꞌuc oyuc me ta avoꞌonic nojtoc li buchꞌutic chichꞌic majel ilbajinele. Nop avaꞌiic ti joꞌcoxuc chavichꞌic ilbajinele, mu xcuch avuꞌunic eꞌuc.

Tzotzil Zinacantan

³ Mu me xchꞌay xavaꞌiic li muchꞌutic jaꞌ ochemic o ta chuquel li scꞌop Rioxe. Ti jaꞌ yech xaꞌochic ta chuquel uque, chacꞌanic qꞌuelel. Jaꞌ noꞌox yech patbeic yoꞌonic ti muchꞌutic ch-ilbajinatique. Ti jaꞌ yech xaꞌilbajinatic uque, chacꞌanic patbel avoꞌonic.

Bible in Tzotzil de Chamula

³ Ja'uc achi'il ta chuquel ta xava'i ti jchuqueletique, mu xach'ay ta avo'ntonic ti jech oyic ta chuquele. Ja'uc xa avocol ta xava'i ti buch'u ta xich' ti svocolique ti xu' jech ta xc'ot ta atojolic ti vocol ti buch'u oyic ta vocole.

Bible in Tzotzil de Chenalhó with Deuterocanon

³ Mu me xch'ay ta avo'ntonic li boch'o ochemic ta chuquele. Tsc'an ti co'oluc ochemoxuc ta chuquel chava'ay achi'uquique. Jech noxtoc oyuc me ta avo'ntonic li boch'otic chich'ic uts'intaele. Tsc'an ti vo'ocoxuc ta abec'talic chc'ot chava'yic ec li uts'intaele.

Tzotzil de Huixtán

³ Na'ic me ti much'utic ochemic ti chuquele. Yu'un mi c'ux chava'yique, co'ol achi'inoj abaic ti vocol xchi'uc. Oyuc me ti avo'ntonic ti much'utic chich'ic ilbajinele yu'un chana'ic ti vocol chcuch avu'unic uc.

Hebreos 13:3 Cross References