Gálatas 5:17 - Tzotzil San Andres

¹⁷ Yuꞌun li cꞌustic ta jcꞌan jtuctique, ta scontrain sbaic yaꞌel schiꞌuc li cꞌusi ta scꞌan li Chꞌul Espíritue. Yuꞌun mu coꞌoluc li cꞌusi ta scꞌan li Chꞌul Espíritu schiꞌuc li cꞌusi ta jcꞌan jtuctique. Ta sventa ti jech oy contrainel ta coꞌontique, jaꞌ yuꞌun mu xuꞌ cuꞌuntic ta jpastic li cꞌustic lec ti ta jcꞌan ta jpastique.

Tzotzil Zinacantan

¹⁷ Yuꞌun li cꞌusitic chal coꞌontique mu xcoꞌolaj xchiꞌuc ti cꞌusi chal ti Chꞌul Espíritue, yechꞌo ti mu spas cuꞌuntic li cꞌusitic leque ti ta jcꞌan ta jpastique.

Bible in Tzotzil de Chamula

¹⁷ Yu'un ti talelale, contra xil sbaic xchi'uc ti Ch'ul Espíritue. Ti Ch'ul Espíritue, contra xil sbaic xchi'uc ti talelale. Contra xil sbaic ta jujun tal. Jech o xal mu xc'ot ta pasel avu'unic ti c'usi ta xac'anique.

Bible in Tzotzil de Chenalhó with Deuterocanon

¹⁷ Yu'un li c'usitic tsc'an jbec'taltique, scontra c'usi tsc'an li Ch'ul Espiritue. Jech ec li c'usi tsc'an Ch'ul Espiritue contra c'usi tsc'an li jbec'taltique. Jech te tscontrain sbaic o, ja' yu'un mu xu' avu'unic spasel li c'usi oy ta avo'nton chapasique.

Tzotzil de Huixtán

¹⁷ Yu'un ti jbec'taltique contra chil sbaic xchi'uc ti Ch'ul Espíritue. Yu'un ti jbec'taltique tsc'an mulil. Ti Ch'ul Espíritue mu sc'an mulil. Hech yu'un ti contra chil sbaic xchi'uc ti jbec'taltique, hech mu xu' ti jpastic ti c'usi ti jc'an ti jpastique.

Gálatas 5:17 Cross References