Filipenses 2:17 - Tzotzil San Andres

¹⁷ Ta sventa ti lec achꞌunojic ti jaꞌ chascoltaic li Diose, jaꞌ yuꞌun la atacbecun talel jmoton. Jaꞌ ta sventa Dios laj avaqꞌuic. Acꞌo mi vocol ataic pero xamuybajic noꞌox ti itsob avuꞌunique. Jaꞌ yuꞌun ximuybaj noꞌox eꞌuc. Ti mi jech isnop li Diose ti tscꞌan oy cꞌusi chcacꞌbe eꞌuque, jech te mi joꞌon lilaje, ximuybaj noꞌox.

Tzotzil Zinacantan

¹⁷ Lavi atacbecon tal jmotone, yuꞌun achꞌunojic ti chascoltaic ta saꞌel ti Rioxe. Acꞌu mi vocol ataic, pero xamuyubajic xa ti itsob avuꞌunique. Yechꞌo un ximuyubaj xa uc. Mi yech tscꞌan ti Rioxe ti oy cꞌusi chcacꞌbe uque, muc ta alel mi lichame, jun coꞌon.

Bible in Tzotzil de Chamula

¹⁷ Ac'o mi ta xmal ti jch'ich'el yo' ta xc'ot ta ts'aquiel ti co'ol s'elan matanal ta xavac'beic Dios ta sventa ta xc'ot ta avo'ntonic ta xch'unele, ximuyubaj xa, ta xataic ec ti xamuyubajic xa cu'une.

Bible in Tzotzil de Chenalhó with Deuterocanon

¹⁷ Pero me tsc'an noxtoc ti chich' malel jch'ich'al sventa chich' ts'acubtasel li matanal chavaq'uic ta stojol Diose ja' li xch'unojel avo'ntonique, xcuxet no'ox co'nton. Me jech chc'ot ta pasele, tsc'an xcuxet no'ox avo'ntonic ec li vo'oxuque.

Tzotzil de Huixtán

¹⁷ Ho'oxuque yu'un lec ach'unojbeic sc'op ti Diose, hech yu'un laj atacbun talel jmoton ti vocol laj ataique yu'un mu'yuc c'usi oy avu'unique. Nichim no'ox avo'ntonic yu'un ti hech ihu' avu'unique. Lec chil ti Diose ti hech laj apasique. Pero mi más lec chil ti Diose ti oy c'usi chcac' uc, mi tsc'an ti chimilat ho'oni, hech yu'un nichim no'ox co'nton uc.

Filipenses 2:17 Cross References