Efesios 6:18 - Tzotzil San Andres

¹⁸ Scꞌan nojtoc ti chataic ta naꞌel Dios scotol cꞌacꞌal. Cꞌanbeic li Chꞌul Espíritu ti acꞌo yacꞌ ta ajol ta avoꞌonic li staobil ta naꞌel li Diose. Mu me xchꞌay ta avoꞌonic stael ta naꞌel li Diose. Cꞌoponbeic Dios ta stojol scotol cꞌacꞌal eꞌuc li buchꞌutic coꞌol oyoxuc ta scꞌob li Dios achiꞌuquique.

Tzotzil Zinacantan

¹⁸ Tscꞌan chacꞌoponic Riox scotol cꞌacꞌal. Albeic spꞌijubtasoxuc ta scꞌoponel Riox ti Chꞌul Espíritue. Mu me xchꞌay xavaꞌiic scꞌoponel. Cꞌoponbeic Riox scotol cꞌacꞌal li jchiꞌiltactic ta xchꞌunel li scꞌop Rioxe.

Bible in Tzotzil de Chamula

¹⁸ Xi ta xcalboxuc ava'iique: Mu xavicta abaic ta c'opojel ti'inel, xchi'uc ta sventauc ti Ch'ul Espiritue, vocoletanic, c'anbeic ti Dios ti c'usi sc'an pasele. J'ech'eluc viq'uiluc asatic, mu xatsiq'ues avo'ntonic ta c'opojel ti'inel ta sventa ti buch'utic yu'untac xa ti Diose.

Bible in Tzotzil de Chenalhó with Deuterocanon

¹⁸ Ta sventa ti chac'opanic Dios scotol orae, c'anbeic Dios ta sventa Ch'ul Espíritu li c'usi chac'anique. Viq'uiluc me lec asatic ta sventa li c'usi chavalic ta stojol Diose. C'anbeic vocol ta stojol ec li yantic yu'untac Diose.

Tzotzil de Huixtán

¹⁸ Scotol ora c'oponic Dios. Alic vocol ti stojol ti Diose yu'un hech chascoltaoxuc. Yu'un ti hech chavalbeic vocole, ja' ti sventa ti Ch'ul Espíritue. Viq'uiluc me asatic, pasic me tsots. Scotol ora c'opombeic Dios ti stojol ti co'ol oyoxuc ti stojol ti Diose xchi'uque.

Efesios 6:18 Cross References