Apocalipsis 3:18 - Tzotzil San Andres

¹⁸ Jaꞌ yuꞌun chacalbeic, laꞌic me ta jtojol. Chacacꞌbeic ti jun avoꞌonique jech jcꞌulejoxuc chaquilic o ta jtojol. Ta jtuqꞌuibtasboxuc avoꞌonic jech lec sac acꞌuꞌic yaꞌel chquil. Jaꞌ yuꞌun mu xa bu chaqꞌuexavic yuꞌun muc xa bu tꞌanaloxuc yaꞌel. Ta jpoxta la asatic yaꞌele yoꞌ jech chavilic ti cꞌusi lec chapasique.

Tzotzil Zinacantan

¹⁸ Yechꞌo ti chacalbeic ti ichꞌicon me ta muqꞌue yoꞌ ti jpas o ta jun avoꞌonique, yoꞌ ti jcꞌulejoxuc o chaquilique. Ta jlecubtas avoꞌonic, coꞌol xchiꞌuc chalapic saquil cꞌuꞌul yaꞌel, yoꞌ mu xaqꞌuexavic oe yuꞌun mu xa bu tꞌanaloxuc yaꞌel. Ta jpoxta yaꞌel lasatique yoꞌ xavilic o li cꞌusitic lec ta pasele.

Bible in Tzotzil de Chamula

¹⁸ Ta jbijubtasot ava'i un, mano ta jtojol ti lequil oro sts'ayayet lec ti ch'ulbil ta c'oq'ue yo' jech ta xac'ot ta jc'ulej. Mano ta jtojol ti asaquil-c'u'e yo' ta xamac aba ti q'uexlal sba t'analote. Mano spoxil asat ta jtojol xtoc yo' ta xpoxtaj ti asate.

Bible in Tzotzil de Chenalhó with Deuterocanon

¹⁸ Ja' yu'un chacalboxuc c'usi lec ac'o apasic. Vu'un xtal amanbicun bats'i lequil c'anal taq'uin ti chic'bil lec ta c'oc' yic'ubale, yu'un jech lec jc'ulej chac'otic ta melel. Xchi'uc vu'un xamanbicun saquil c'u'il, jech mu xa xavac'be abaic q'uexlal, yu'un muc xa t'analucoxuc. Xchi'uc chacac'boxuc lec poxil satil sventa chavac' ta asatic, yu'un jech xu' chlic avilic lec osil.

Tzotzil de Huixtán

¹⁸ Hech yu'un chacalbeic. La'ic me ti jtojol. La' ich'o xch'unojel avo'ntonic hech jc'ulej chac'ot ti jtojol. Chacac'bot toj avo'ntonic uc yu'un hech mu xaq'uexavic yu'un mu xa t'analucoxuc chaquil. Jun to sac ac'u' alapojic. Chajpoxtaboxuc asatic uc yu'un hech chavilic.

Apocalipsis 3:18 Cross References