Apocalipsis 18:16 - Tzotzil San Andres

¹⁶ Jech chalic: “¡Toj abol sbaic ti ilajic scotol li jbabiloniaetique! Yuꞌun li steclumalique jaꞌ toꞌox jech chac cꞌu chaꞌal jun ants ti lec smeltsanoj sbae, ti naca lequil pocꞌ slapoje. Jaꞌ li icꞌpocꞌan tsajal poqꞌue schiꞌuc li tsajal poqꞌue. Schiꞌuc oy lec snatsꞌ pasbil ta cꞌanal taqꞌuin, schiꞌuc ton ti toyol stojole, schiꞌuc perlaetic. Jaꞌ toꞌox jech yaꞌel li steclumalique yuꞌun te oy scotol li cꞌustic ta jcꞌantique.

Tzotzil Zinacantan

¹⁶ “¡Povre jbabiloniaetic! Ti steclumalique coꞌol toꞌox xchiꞌuc jun ants ti stsꞌacubtasoj sbae, ti lequic sba scꞌuꞌe, oy morado xchiꞌuc tsoj. Oy snatsꞌ. Ti snatsꞌe oy oro, oy coꞌol xchiꞌuc sat anillo, oy perla.

Bible in Tzotzil de Chamula

¹⁶ ti xi ta xalique: “Mu xa cha'bel un, laj xa c'op ma' ti muc' ta lume. C'otem to ox jech c'u cha'al jun ants ti mu no'ox albajuc yutsilal ti sc'u' ta slape, ti naca lino poc' ic' ic' losantic sba stsajale xchi'uc bats'i tsoje, ti xch'alet no'ox ta oro, ta perla, ta c'upil sba tonetic ti yoc sc'obe.

Bible in Tzotzil de Chenalhó with Deuterocanon

¹⁶ Jech chalic: “¡Ay, ay! ¡Ilaj xa o li muc'ta lume! Puru lequil poc' to'ox li sc'u' spoq'ue; pasbilic lec ta lino no, ta yax'elan poc', ta tsajal poc'. Solel xojoban to'ox xchi'uc li c'anal taq'uine, li tonetic ti lec c'upilic sbae, xchi'uc li perlaetique.

Tzotzil de Huixtán

¹⁶ Hech chalic: ―Lástima ti itup' xa ti babiloniaetique. Yu'un ti vo'one ti jteclume ja' hech chaj c'u che'el jun ants ti slapoj lino poc' ti toyol stojole, xchi'uc ic'al poc' xchi'uc tsajal poc'. Ja' ti oy snats' pasbil ti c'anal taq'uin xchi'uc ton ti toyol stojole xchi'uc perlaetic. Ja' hech ti jteclume yu'un te oy scotol ti c'utic ti jc'antique.

Apocalipsis 18:16 Cross References