2 Corintios 9:4 - Tzotzil San Andres

⁴ Cꞌalal mi libate, oy yicꞌal ta jchiꞌin batel jayvoꞌuc quermanotactic li liꞌ ta Macedoniae. Mi muc to bu chapal avuꞌunic chcꞌot jtae, chavaqꞌuicun ta qꞌuexlal yuꞌun ta sloqꞌuel coꞌon calojbe acꞌoplalic li quermanotactic liꞌi. Chaqꞌuexavic eꞌuc.

Tzotzil Zinacantan

⁴ Ti cꞌalal xitale, yicꞌal jchiꞌin tal jayvoꞌuc li jchiꞌiltactic ta xchꞌunel scꞌop Riox liꞌ ta Macedoniae. Mi mu toꞌox bu chapal avuꞌunic chul jtae, chavaqꞌuicon ta qꞌuexlal, chaqꞌuexavic uc, yuꞌun calojbeic acꞌoplalic.

Bible in Tzotzil de Chamula

⁴ Yu'un c'alal mi libate, naca mi oyuc jun chib jch'unolajel li' ta Macedonia ti ta xtal xchi'inune, mi mu'yuc chapaloxuc ta xvul jtaoxuque, va'i unbi, ta xiq'uexav avu'unic c'alal laj cal ti sjunul avo'nton ta xacoltavanique, xchi'uc ta xcac'oxuc ta q'uexlal ec.

Bible in Tzotzil de Chenalhó with Deuterocanon

⁴ Yu'un me la jchi'in tal jayibuc jch'unolajeletic li' ta Macedonia banamile, vu'un chcac'be jba q'uexlal me mu'yuc chapal avu'unique. Ma'uc chcal ti vo'oxuc chaq'uexovique, yu'un scotol co'nton calojbe ac'oplalic li jch'unolajeletic li'i.

Tzotzil de Huixtán

⁴ Yu'un repenta mi ti jchi'in talel quermanotic ti li' chliquic ti Macedoniae, mi mu chapalucoxuc chul jtaoxuc, chiq'uexav avu'unic. Ho'oxuc chaq'uexavic uc yu'un toyol co'nton avu'unic laj xa jcholboxuc ac'opilalic.

2 Corintios 9:4 Cross References