2 Corintios 3:6 - Tzotzil San Andres

⁶ Jaꞌ laj yacꞌbun jtsatsal jaꞌ yuꞌun ijuꞌ cuꞌun laj cal li cꞌusi tsꞌacal to iyal li Diose sventa chijcolutic oe. Yuꞌun maꞌuc chijcolutic o ta sventa li smantaltac Dios li quichꞌojtique. Jaꞌ chijcolutic ta sventa li Chꞌul Espíritu li quichꞌojtique. Yuꞌun li smantaltac li Diose jaꞌ noꞌox ta sventa ta jnaꞌtic o ti oy jmultique. Ta scoj ti oy jmultique, jaꞌ yuꞌun albil scꞌoplal ti ta chꞌayel chijbat o sbatel osile. Pero ta sventa li Chꞌul Espíritue jaꞌ chijcuxiutic o sbatel osil.

Tzotzil Zinacantan

⁶ Jaꞌ listsatsubtas ti Rioxe yechꞌo ti chcal aꞌyuc li cꞌusi tsꞌacal to iyale ti jaꞌ chicuxiotic o ta sbatel osile. Maꞌuc chicuxiotic o li smantaltac Rioxe. Jaꞌ chicuxiotic o ti Chꞌul Espíritu xchiꞌinojotique. Li smantaltac Rioxe jaꞌ noꞌox chquiltic o ti oy jmultique. Yuꞌun ti oy jmultique, scꞌoplal ox chiꞌochotic ta cꞌocꞌ ta sbatel osil. Lavi xchiꞌinojotic xa ti Chꞌul Espíritue, chicuxiotic ta sbatel osil.

Bible in Tzotzil de Chamula

⁶ Yu'un ja' stuc ti Diose laj yac'bun jbijilcutic yo' jech ta xituncutic ta yalbel sc'oplal ti ach' tratee, ti ma'uc ta xac' ta na'el ti ta xijcolotic ta sventa ta xc'ot ta ch'unel ti oy c'usi tsots albil sc'oplal ti ts'ibabile. Yu'un ti oy c'usi tsots albil sc'oplal ti ts'ibabile, ta xmilvan, ja'uc ti Ch'ul Espiritue ta xac' jcuxlejaltic.

Bible in Tzotzil de Chenalhó with Deuterocanon

⁶ Ja' laj yac'bun jbijilcutic noxtoc sventa chituncutic yu'un li c'usi ach' chapanbil sventa chijcolutic oe. Ma'uc ta sventa li smantal Dios ts'ibabile; ja' ta sventa yabtel Espíritu ta co'ntontic. Yu'un li c'usi ts'ibabil no'ox ta vune ja' chac' chijchamutic. Pero li Ch'ul Espiritue ja' chac' cuxicutic.

Tzotzil de Huixtán

⁶ Yu'un ti Diose laj xa yac' hu'uc cu'un ti jchol ti ach' tratoe, ja' ti c'u che'el chijcolucutic ti ora to. Ma'uc ti sventa ti quich'ojtic ti mantaletique hech chijcolucutic. Yu'un ja' no'ox stu ti mantaletique ti chijyalbucutic ti oy jmultique, ja' ti ch'ayel chijbat yu'une. Pero ti Ch'ul Espíritue ja' chijyac'bucutic jcuxlejaltic, ja' ti chijcuxi sbatel osile.

2 Corintios 3:6 Cross References