1 Corintios 9:22 - Tzotzil San Andres

^22-23 Cꞌalal ta jchiꞌin ta loꞌil li buchꞌu muꞌyuc to stsatsal yoꞌon ta stojol li Diose, ti schꞌunoj ti oy cꞌusi mu stacꞌ pasele, jaꞌ jech ta jpas eꞌuc yilel, yuꞌun ta jcꞌan ti acꞌo yaꞌi li cꞌusi chcalbee yoꞌ acꞌo tsatsubuc cuꞌun. Ta jcoꞌoltajes jba jchiꞌuc scotolic yoꞌ tschꞌunic o cuꞌun, jaꞌ chcolic o. Jech coꞌol chijcolutic jchiꞌuctic.

Tzotzil Zinacantan

^22-23 Ti cꞌalal ta jchiꞌin ti muchꞌutic mu to ta xchꞌunic lec li scꞌop Rioxe, ti xchꞌunojic to ti oy cꞌusi mu stacꞌ pasele, jaꞌ noꞌox yech mu jpas uc yoꞌ xaꞌiic o li cꞌusitic chcalbeique, yoꞌ xchꞌunic o lec li scꞌop Rioxe. Ti xꞌelan ta jcoꞌoltas jbae, jaꞌ yoꞌ xcuxiic o ta sbatel osil uque.

Bible in Tzotzil de Chamula

²² C'alal oyun ta stojol ti jch'unolajeletic ti buch'utic mu'yuc yip ti yo'ntonique, ta jco'oltas jba jech c'u cha'al ti stuquique yo' ta x'ayan yip ti yo'ntonic ta xch'unel ti coltael ta xcalbe ya'iique. Ja' jech ta jco'oltas jba jech c'u cha'al ti c'u s'elan oyic ti jujuchope yo' ta xc'ot ta yo'ntonic ti coltaele.

Bible in Tzotzil de Chenalhó with Deuterocanon

²² C'alal ja' jchi'inojic li boch'otic mu'yuc to stsatsal yo'ntonic ta stojol Diose, ja' jech mu'yuc stsatsal co'nton ta jpas jba ec, yu'un jech xu' ta jpasic ta canal li boch'otic mu'yuc to stsatsal yo'ntonic ta stojol Diose. Ta jpas scotol c'u yepal xu' cu'un ta stojol scotolic, yu'un jech oy boch'otic xu' chcolic.

Tzotzil de Huixtán

²² Ti c'alal ti jchi'in ti quermanotique ti mu'yuc yip yo'ntonique co'ol mu'yuc yip co'nton xchi'uc chic'ot yu'un hech ac'o tsatsubuc yo'ntonic ti jventa. Co'olun chic'ot xchi'uc scotolic yu'un ac'o oyuc much'u chcolic ti jventa.

1 Corintios 9:22 Cross References