1 Corintios 5:6 - Tzotzil San Andres

⁶ Altic ti atoyoj noj abaic ti lecoxuc ti avalojique yuꞌun te achiꞌuquic li buchꞌu chopol li cꞌusi spasoje. Xanaꞌic ti jech chal li crixchanoetique: “Acꞌo mi jutuc noꞌox ta xcacꞌbetic svochesobil li pane, ta xvoch o spꞌejel”, xiic. Jaꞌ noꞌox jechutic eꞌuc, mi lec chquiltic li buchꞌu chopol li cꞌusi ta spase, chlic schanic eꞌuc li yanetique.

Tzotzil Zinacantan

⁶ Yech chanopic ti lecoxuque yuꞌun tey achiꞌuquic li muchꞌu saꞌoj smule. Coꞌol xchiꞌuc svuquesobil xchꞌut pan, acꞌu mi jsetꞌ noꞌox xcacꞌtic, pero chvuc o xchꞌut scotol li pane. Jaꞌ noꞌox yech mi lec chquiltic li muchꞌu staoj smule, chlic xchan li yantique.

Bible in Tzotzil de Chamula

⁶ Ti toyobba xava'i abaique, jeche' no'ox. ¿Mi mu'yuc bu ava'binojic ti oy xi x'ale ti c'ope? “Ta juteb no'ox spajubtasobil ti pane, ta xpajub yu'un scotol ti c'u yepal ti vots'bile.”

Bible in Tzotzil de Chenalhó with Deuterocanon

⁶ Q'uelavilic, mu'yuc stu li atoyobbailique. ¿Me mu xana'ic ti ac'o me juteb no'ox chich' ac'bel svolesubil xch'ut li vots'bil arinae, ti tsvolesbe xch'ut scotole?

Tzotzil de Huixtán

⁶ Hovil ti hech chatoy abaique, oy palta avu'unic. Ava'yojic ti hech chalic ti crixchanoetique ti “manchuc mi jutuc no'ox chich' spumesbil xch'ut ti vaje ja' chpum scotol”, ti xchiique. Ja' no'ox hech mi ti jc'uxubintic ti jun ti much'u staoj smule, patil chlic epajuc.

1 Corintios 5:6 Cross References