1 Corintios 4:5 - Tzotzil San Andres

⁵ Jaꞌ noꞌox jech eꞌuc li joꞌoxuque, maꞌuc avabtelic yalel li cꞌu sba chijtuncutic yuꞌun li Cajvaltique. Jaꞌ noꞌox jmalatic cꞌu ora chtal li Cajvaltique yuꞌun jaꞌ chtal yacꞌ ta ilel scotol li cꞌustic ta jnoptic jujunutic ti muc buchꞌu snaꞌ cuꞌuntique. Jaꞌ to chacꞌ quiltic li cꞌu sba chijyilutic jujunutic li Diose.

Tzotzil Zinacantan

⁵ Jaꞌ noꞌox yech li voꞌoxuque, maꞌuc avabtelic ta yalel ti cꞌu xꞌelan chitunoticotic yuꞌun ti Cajvaltique. Jaꞌ noꞌox acꞌu jmalatic ti cꞌusi ora chchaꞌsut tale. Jaꞌ chtal yal aꞌyuc ti cꞌusitic ijnoptic jujuntal ti muc muchꞌu snaꞌe. Jaꞌto chal aꞌyuc ti cꞌu xꞌelan liyilotic jujuntal ti Rioxe.

Bible in Tzotzil de Chamula

⁵ Ja' yu'un un cha'e, ma'uc ti xacajchapanbe xa sc'oplal ti yane. Mala avilic ora ti ja' ta xchapan stuc ti Cajvaltic ti c'alal ta xvul ta loq'uele. Ta svinajes ta saquil osil ti c'usi mucule. Ti Cajvaltique ta xac' ta ojtiquinel c'u s'elan oy ta yut yo'ntonic ti jujune. Ta xac' ta q'uelel c'u s'elan ta x'ileic yu'un Dios ta jujun tal.

Bible in Tzotzil de Chenalhó with Deuterocanon

⁵ Ja' yu'un li vo'oxuque ma'uc avabtelic chachapanvanic ti c'alal mu to ja'uc sc'ac'alile. Ja' to me ital li Cajvaltique, ja' chtal yac' ta ilel scotol li c'usitic mucule, xchi'uc ja' tsvinajes c'usi oy ta yo'nton li cristianoetique. Jech ta jujuntal chich'ic albel sc'oplalic yu'un Dios ti c'u x'elan yabtelique.

Tzotzil de Huixtán

⁵ Hech yu'un mu me chopoluc chanopic. C'alal mi ista yorail chtal ti Cajvaltique, ja' chtal yac' ti q'uelel ti bu mu xca'ibetic sjam ti ora to xchi'uc ti c'usi oy ti co'ntontic ti jcotoltique. C'alal chtal, chac' ti na'el ti c'u che'el oy jc'opilaltic yu'un ti Diose ti jujunucutique.

1 Corintios 4:5 Cross References