1 Corintios 3:15 - Tzotzil San Andres

¹⁵ Yan li bu chcꞌacꞌ li cꞌusi laj yaqꞌue, yuꞌun muc bu baꞌi la snopbe lec smelol li scꞌop Dios li cꞌalal ichanubtasvan oe, jech cꞌusiuc noꞌox la sjovilꞌal. Jaꞌ muc bu tsta stojol, mu cꞌusi oy yuꞌun chcom. Jaꞌ noꞌox ta xcol stuc jech chac cꞌu chaꞌal li buchꞌu ta xcꞌacꞌ sna schiꞌuc li cꞌustic oy yuꞌune ti colel xa ta xcol loqꞌuel ta cꞌocꞌ li stuque.

Tzotzil Zinacantan

¹⁵ Yan ti muchꞌu muc snop leque, chcꞌacꞌ yaꞌel ti cꞌusi iyale. Jaꞌ muc bu chichꞌ smoton yuꞌun mu cꞌusi bal o ti cꞌusi iyale. Pero ta onox xcuxi ta sbatel osil li stuque, coꞌol xchiꞌuc ti muchꞌu xcꞌacꞌ snae ti colel xa chcole.

Bible in Tzotzil de Chamula

¹⁵ Ja'uc le'e, mi ta xc'ac' ta c'oc' ti yabtel laj sva'ane, ta xch'ay scotol. Ac'o mi ta xcol ti stuque, me'un ta xcom jech c'u cha'al ti buch'u ta xjatav loq'uel ti c'alal ta xc'ac' ti snae.

Bible in Tzotzil de Chenalhó with Deuterocanon

¹⁵ Yan li boch'o chc'ac' ta c'oc' li yabtele altic ich'ay o. Li stuque chcol to, ac'o me ja' xa jech chcol jech chac c'u cha'al li boch'o colel xa chcol loq'uel ta c'oq'ue.

Tzotzil de Huixtán

¹⁵ Ti much'u chlaj ti c'oc' ti yabtele yu'un ja' itun yu'un ti bu mu tsotsuque, hech yu'un me'on. Ja' mu x'ac'bat smoton. Ja' no'ox chcol hech chaj c'u che'el ti much'u chcol loq'uel ti c'oq'ue.

1 Corintios 3:15 Cross References