فیلیپیلِر 4:7 - مُقادِّس کیتاب

⁷ شُندا خودایینگ پاراحاتلیغی یورِکلِرینگیزی و فیکرلِرینگیزی عیسی مسیحینگ اوستو بیلِن قُرار.‏ بو پاراحاتلیق اینسان دوشونجِسیندِن خاص بِییکدیر.‏

فیلیپیلِر 4:7 Cross References

لوقا 1:79

قارانگقیلیقدا و اُلوم کُلِگه‌سینده اُتورانلارا نور سِچیلِر، آیاقلاریمیز پاراحاتلیق یُلونا اوغراتدیریلار.‏»‏

لوقا 2:14

‏«‏آسمانلار آسمانیندا خودایا حُرمات بُلسون!‏ خودایدان مِرحِمِت تاپان یِردَکی اینسانلارا پاراحاتلیق بُلسون!‏»‏ دییَّردیلِر.‏

یوحنا 14:27

مِن سیزه پاراحاتلیق قُیوپ باریارین، اُز پاراحاتلیغیمی سیزه بِریَرین.‏ مِن مونی دونیَه‌نینگ بِرشی یالی بِرمِیَرین.‏ یورِگینگیز غوصّا باتماسین، قُرقمانگ.‏

یوحنا 16:33

بو زاتلاری سیزه، مِنده پاراحاتلیغینگیز بُلسون دییّپ آیتدیم.‏ بو دونیَه‌ده زَحمِت و اِذیِتینگیز بُلار، یُنه خاطیرجِم بُلونگ، چونکی مِن دونیَه‌نی یِنگدیم!‏»‏ دییدی.‏

رومیلار 1:7

مِن شو نامه‌می سیزه رومداقی ایماندارلارا یازیارین.‏ خودای سیزینگ هِمَّه‌نگیزی سُیوپ، سیزی اُزونینگ خالقی بُلماغا چاغیردی.‏ قُی، آتامیز خودایینگ و تانگریمیز عیسی مسیحینگ مِرحِمِتی و پاراحاتلیغی سیزه بُلسون!‏

رومیلار 14:17

چونکی خودایینگ پادیشاهلیغی اییمِک-ایچمِک دَل-ده، مُقادِّس روحونگ ناغمات بِریَن تاقوالیغی، پاراحاتلیغی و شاتلیغیدیر.‏

رومیلار 15:13

مُقادِّس روحونگ گویجی بیلِن اومیدینگیزینگ آرتماغی اوچین، اومیدینگ چِشمه‌سی بُلان خودای ایمانینگیزینگ اوستو بیلِن، قُی، سیزی شاتلیقدان و پاراحاتلیقدان دُس-دُلی اِتسین.‏

رومیلار 5:1

شِیلِلیکده، بیز ایمانیمیز بیلِن آقلانیپ، تانگریمیز عیسی مسیحینگ اوستو بیلِن خودای بیلِن یاراشدیق.‏

رومیلار 8:6

اینسان هُوِسلِریندِن دُرِیَن فیکرلِر آدامی اُلومه اِلتیَر.‏ اِمّا روحدان دُرِیَن فیکرلِر بُلسا یاشاییش و پاراحاتلیق بِریَر.‏

۲ قُرِنتُس‌لار 10:5

بو یاراغلار بیلِن خودای باراداقی بیلیمه قارشی چیقیان هِر بِییکلیگی وِیران اِدیَریس و هِر فیکری اِسیرلیگه آلیپ، اُنی عیسی مسیحه موطیع اِدیَریس.‏

۲ قُرِنتُس‌لار 13:11

شونلوقدا، اِی عزیزلِر، شاتلانینگ!‏ اُسمِگینگیز و کَمیلِّشمِگینگیز اوچین چالیشینگ، آیدیانلاریما قولاق آسینگ، بیر فیکرده بُلونگ، پاراحات یاشانگ.‏ شُندا سُیگی و پاراحاتلیق خودایی سیزینگ بیلِن بُلار.‏

غَلاطیه‌لِر 5:22

اِمّا مُقادِّس روحونگ میوه‌لِری بُلسا شولاردیر:‏ سُیگی، شاتلیق، آسودالیق، صابیرلیق، مِهرِبانلیق، یاخشیلیق، وِفادارلیق،

اِفِسُسلار 3:19

هاووا، سیز مسیحینگ آیری-آیری دوشومدِن اوستون بُلان بو سُیگوسینه عاقیل یِتیرمِگی باشارارسینگیز.‏ شُندا خودایینگ هِمّه کِمالاتی بیلِن دُلدوریلارسینگیز.‏

فیلیپیلِر 1:1

عیسی مسیحینگ خیدماتچیسی بُلان مِن پولسدِن و تیموتاوس‌دان عیسی مسیحینگ اوستو بیلِن مُقادِّسلِره باغلی بُلان فیلیپیلِرینگ بارینا، و هِم کِلیسا باشلیقلارینا و خیدماتچیلارینا دُغایی سالام!‏

فیلیپیلِر 1:2

آتامیز خودایینگ و تانگریمیز عیسی مسیحینگ مِرحِمِتی و پاراحاتلیغی، قُی، سیزه بُلسون!‏

فیلیپیلِر 4:19

بِییک خوداییم اُز بایلیغی بیلِن سیزینگ، یَعنی عیسی مسیحه باغلی بُلانلارینگ اوچین هِمّه مَحتَجلیکلِرینینگ عُوِضینی دُلدولار.‏

فیلیپیلِر 4:21

عیسی مسیحینگ اوستو بیلِن مُقادِّسلِره باغلی بُلانلارینگ بارینا سالام آیدینگ.‏ مِنینگ یانیمداقی دُغانلار سیزه سالام آیدیارلار.‏

فیلیپیلِر 4:9

مِندِن اُورِنِن، قابول اِدِن، اِشیدِن و گُرِن زاتلارینگیزی عِمِل اِدینگ.‏ شُندا پاراحاتلیق بِریَن خودای سیزینگ بیلِن بُلار.‏

کولُسیلِر 3:15

قالبینگیزدا مسیحینگ پاراحاتلیغی حُکوم سورسون.‏ چونکی سیز بیر بِدِنینگ ‌اعضالاری بُلوپ، بو پاراحاتچیلیغا چاغیریلانسینگیز و شوکورلی بُلونگ.‏

۲ تِسالونیکیلِر 3:16

پاراحاتلیغینگ چِشمه‌سی بُلان مسیحینگ اُزی سیزه هِمیشه، هِر یاغدایدا پاراحاتلیق بِرسین!‏ مسیح بارینگیزا یار بُلسون!‏

عِبرانیلار 13:20

ایسلِگینی یِرینه یِتیرمِگیمیز اوچین، قُی، پاراحاتلیق بِریَن خودای بیزی هِمّه گِرِکلی زاتلار بیلِن دُلی تاییار اِتسین.‏ اُل تانگریمیز عیسانی اِبِدیلیک عَهد باغلاشیان قانینینگ اوستو بیلِن اُلومدِن دیرِلتدی و اُنی اُز قُیونلارینینگ یَعنی خالقینینگ بِییک چُپانی اِدیپ بِلِّدی.‏ قُی، خودای اُزونی خُشنود اِدیَن ایشلِری اِتمِگیمیز اوچین، عیسی مسیحینگ اوستو بیلِن بیزی کَمیلِّشدیرسین.‏ عیسی مسیحه اِبِدی بِییکلیک بُلسون!‏ اَمین.‏

یهودا 1:1

عیسی مسیحینگ خیدماتکَری و یعقوبینگ دُغانی بُلان مِن یهودادان خودایینگ خالقی بُلماغا چاغیریلانلارا دُغایی سالام!‏ بو نامه‌نی آتامیز خودای طارافیندان سُیلوپ، عیسی مسیحینگ اوستو بیلِن قُریلیان سیزه یازیپ یُلّایارین.‏

آیانلیق 1:4

آسیا وِلایاتینداقی یِدی کِلیسایا مِن یوحنادان سالام!‏ اُزال بُلان، حَضیر هِم بار، گِلِجِکده هِم بُلجاق خودایینگ و اُنونگ تاختینینگ اُووندَکی یِدی روحونینگ مِرحِمِتی و پاراحاتلیغی سیزه یار بُلسون!‏

آیانلیق 2:17

‏«‏قولاغی بار آدام مُقادِّس روحونگ کِلیسالارا نَمه دییَّنینی اِشیتسین!‏ یِنگیپ چیقان آداما گوزگین ساقلانان مانّادان بِرِرین.‏ موندان باشغا-دا، اُنگا یوزونه تَزه آد یازیلان بیر آق داش بِرِرین.‏ بو آدی، داشی آلجاق آدامدان باشغا هیچ کیم بیلمِز.‏»‏