فیلیپیلِر 4:19 - مُقادِّس کیتاب

¹⁹ بِییک خوداییم اُز بایلیغی بیلِن سیزینگ، یَعنی عیسی مسیحه باغلی بُلانلارینگ اوچین هِمّه مَحتَجلیکلِرینینگ عُوِضینی دُلدولار.‏

فیلیپیلِر 4:19 Cross References

مَتّیٰ 6:32

بو زاتلارینگ بارینی بُت‌پَرَستلِر آغتاریارلار، یُنه آسمانداقی آتانگیز بولارینگ هِمّه‌سینینگ سیزه گِرِکدیگینی بیلیَر.‏

یوحنا 20:17

عیسی اُنگا:‏ ‏«‏مانگا قُلایلاشما، سِبَبی مِن هِنیز آتامینگ یانینا چیقامُق.‏ سِن دُغانلاریمینگ یانینا گیدیپ، اُلارا مِن آسمانا، آتامینگ و خوداییمینگ یانینا باریانیمی آیت.‏ اُل سیزینگ-ده آتانگیزدیر و خودایینگیزدیر»‏ دییدی.‏

یوحنا 20:27

اُنسُنگ عیسی تومانینگ یانینا باریپ، اُنگا:‏ ‏«‏بارماغینگی بو یِره دِگیر، اِل‍لِریمه سِراِت!‏ اِلینگی اوزات-دا، بُورومه دِگیر.‏ شِکلِنمَنی بِس اِت، ایمانلی بُل»‏ دییدی.‏

رومیلار 1:8

اَوَّل، عیسی مسیحینگ اوستو بیلِن هِمَّه‌نگیز اوچین خوداییما شوکور اِدیَرین، سِبَبی ایمانینگیز باراداقی خابار تامام دونیَه یایرادی.‏

رومیلار 11:33

خودایینگ بایلیغی، حِکمِتی و بیلیمی ناقادار چونگّوردیر!‏ اُنونگ ماقصاتلارینی کیم دوشونیپ بیلِر؟ اُنونگ یُل‍لارینا کیم عاقیل یِتیریپ بیلِر؟

رومیلار 2:4

یا-دا سِن خودایینگ اولی رِحم-شِپاقاتینا، یاخشیلیغینا، صابیر-طاقادینا اَهمییِتسیز حاساپلایارسینگمی؟ اُنونگ رِحمینینگ سِنی توبا طارافا اِلتیَندیگینه دوشونمِیَرسینگمی نَمه؟

رومیلار 8:18

مِنینگ فیکریمچه، شو واقتقی قینچیلیقلاریمیزی بیزه آیان بُلجاق گِلِجِکّی بِییکلیک بیلِن دِنگِشدیریپ-ده بُلماز.‏

رومیلار 9:23

خودای اُزونینگ اُنگدِن بِییکلیک اوچین تاییارلاپ، مِرحِمِت اِدِنلِرینه اُز اولی بِییکلیگینی بیلدیرمِک اوچین شِیله صابیر-طاقاتلی بُلیاندیر.‏

۲ قُرِنتُس‌لار 12:21

مِن یانینگیزا بارانیمدا، خوداییم مِنی اُوونگیزده اوتاندیرمادان قُرقیارین.‏ اُزال گونَه اِدیپ، اِدِن آخلاقسیزلیقلاری، زینالاری و آزماقلاری اوچین توبا اِتمِدیکلِرینگ کَنسی یانگا یاس توتمالی بُلارمیقام دییّپ قُرقیارین.‏

۲ قُرِنتُس‌لار 4:17

چونکی واقتلایین و یِنگیل قینچیلیقلاریمیز بیزه خاص عجاییپ، اولی و اِبِدی بِییکلیک قازاندیرار.‏ شُندا بو قینچیلیقلار اِدیل بُلمادیق یالی بُلار.‏

اِفِسُسلار 1:18

خودایینگ اُز چاغیرانلارینا و بِرِن اومیدینا، خالقینا بِرِن بِییک میراثینینگ بایلیغینا و بیز ایمان گِتیرِنلِره گُرکِزِن دِنگسیز-تایسیز قودراتینا گُز یِتیرمِگینگیز اوچین، قُی، اُل یورِگینگیزینگ مِرتِبه‌سینی نورلاندیرسین دییّپ دُغا اِدیَرین.‏ بو قودرات خودایینگ مسیحی دیرِلدیپ، آسماندا اُز ساغیندا اُتوردان گویجونه مِنگزِشدیر.‏

اِفِسُسلار 1:7

خودای قاتی بای مِرحِمِتی بیلِن اُغلونینگ دُکِن قانینینگ اوستو بیلِن گونَه‌لِریمیزی باغیشلاپ، بیزی آزاد اِتدی.‏

اِفِسُسلار 2:7

اُل مونی عیسی مسیحینگ اوستو بیلِن بیزه اِدِن مِرحِمِتینینگ و یاخشیلیغینینگ اِندازاسیز بایلیغینی گِلجِک زاماندا گُرکِزمِک اوچین اِتدی.‏

اِفِسُسلار 3:16

قُی، اُل اِندازاسیز بِییکلیگی بیلِن اُز روحونینگ اوستو بیلِن سیزینگ ایچینگیزدَکی بارلیغینگیزی قودرات بیلِن گویچلِندیرسین.‏

اِفِسُسلار 3:8

مِن خودایینگ خالقینینگ آراسیندا اینگ اَهمییِتسیزیدیم، اِمّا مونگا باقمازدان مسیحینگ عاقیل یِتمِز بایلیغینی یَهودی دَل‍لِره واغیظ اِتمِک جُغاپکَرچیلیگینی خودای شو مِرحِمِتی مانگا هُدورلِدی.‏

فیلیپیلِر 4:7

شُندا خودایینگ پاراحاتلیغی یورِکلِرینگیزی و فیکرلِرینگیزی عیسی مسیحینگ اوستو بیلِن قُرار.‏ بو پاراحاتلیق اینسان دوشونجِسیندِن خاص بِییکدیر.‏

کولُسیلِر 1:27

خودای بو سیرینگ اولی بِییکلیگینی میلِّتلِرینگ آراسیندا مُقادِّسلِره بیلدیرمِک ایسلِدی.‏ بو سیر سیزه بِییکلیگَه قاووشماق اومیدینی بِریپ، سیزده بُلیان مسیحدیر.‏

کولُسیلِر 3:16

قُی، مسیحینگ سُزی قالبینگیزینگ دویبونده یِرلِشسین.‏ بار حِکمِت بیلِن بیری-بیرینگیزه تَعلیم و ناصیحات بِرینگ.‏ مِزمورلار، اُوگی آیدیملار، روحانی ناغمالار آیدیپ، خودایا یورِکدِن مینِّتدارلیق بیلدیرینگ.‏

۱ تیموتاوس 6:17

بو زامانینگ بایلارینا مَغرور بُلمازلیغی تابشیر.‏ قُی، اُلار اینامسیز و قیسغا بایلیغا دَل-ده، لِذِّت آلماغیمیز اوچین هِر زادی بُل یِتیریَن خودایا بیل باغلاسینلار.‏

فیلیمون 1:4

مِن سِنینگ تانگریمیز عیسی مسیحه بُلان ایمانینگ و هِمّه خودایینگ خالقینا بُلان سُیگینگ حاقیندا اِشیدیَرین.‏ شُنگا گُرَه-ده، سِنی هِمیشه دُغالاریمدا یادلاپ، خوداییما شوکور اِدیَرین.‏

۱ پِطرُس 5:1

مِن مسیحینگ چِکِن عاذاپلارینینگ شاهادی و اُنونگ آیان بُلجاق بِییکلیگینینگ شِریکی حُکمونده آرانگیزداقی اُزوم یالی یاشولیلاردان شولاری خاییش اِدیَرین:‏

۱ پِطرُس 5:10

بُل مِرحِمِتی جُشدیریان خودای سیزی مسیحینگ اوستو بیلِن اُز اِبِدی بِییکلیگینَه چاغیردی.‏ سیز دورموشدا عاذاپ چِکیَن بُلسانگیز هِم، اُل سیزی دیکِلدِر، قاییملار، گویچلِندیرِر و تیترِمِز بینا اِدیپ قورار.‏