فیلیپیلِر 3:19 - مُقادِّس کیتاب

¹⁹ اُلارینگ آخیری هِلَکچیلیکدیر، اُلارینگ قارا قارینلاری خودایلاریدیر، اُلار اُز اوتانمالی زاتلارینا قابارلانیاندیرلار.‏ اُلار یِکه بو دونیَه‌نینگ زاتلاری بارادا فیکرلِنیَندیرلِر.‏

فیلیپیلِر 3:19 Cross References

مَتّیٰ 16:23

اِمّا عیسی پِطرُس طارافا اُورولیپ:‏ ‏«‏چِکیل اُوومدِن، شِیطان!‏ سِن مانگا پَسگِل بُلیارسینگ، سِبَبی سِن خودایینگ ایشلِرینی دَل-ده، اینسان ایشلِری حاقدا فیکر اِدیَرسینگ»‏ دییدی.‏

مَتّیٰ 25:41

‏«‏سُنگرا سُلونداقیلارا شِیله دییِر:‏ ‏”‏اِی لَعنِتلیلِر، مِنینگ یانیمدان آیریلینگ، شِیطان بیلِن اُنونگ پِریشده‌لِرینه تاییارلانان اِبِدی اُدا گیدینگ!‏

لوقا 12:19

اُزومه بُلسا، اِی جانیم، کَن ییل اوچین ییغنالان کَن زادینگ بار، دینجینگی آل، ایی، ایچ، کِیپ چِک دییِرین“‏ دییَّر.‏

لوقا 16:19

‏«‏بیر بای آدام بار میشدیق.‏ اُل قیرمیزی دُن و نِفیس لِباسلار گِییپ، هِر گونونی شادی-خُرّاملیقدا گِچیرِردی.‏

لوقا 18:4

قاضی بیرنَچه واقتلاپ مونی اِتمَندیر.‏ آخیرسُنگوندا اُل اُز-اُزونه:‏ ‏”‏مِن خودایدان قُرقماسام-دا، آداملاری اَسگِرمِسِم-ده،

رومیلار 16:18

چونکی اُلار تانگریمیز عیسی مسیحه دَل-ده، اُز قارا قارینلارینا خیدمات اِدیَندیرلِر.‏ اُلار سویجی سُزلِر و آوادانگلیق بیلِن کِپلَپ، سادا آداملاری آلداوا سالیاندیرلار.‏

رومیلار 6:21

اُزال اِدِن ایشلِرینگیزدِن، یَعنی ایندی اوتانیان ایشلِرینگیزدِن نَمه پِیدا گُردونگیز؟ شِیله ایشلِرینگ سُنگی اُلومدیر.‏

۱ قُرِنتُس‌لار 3:3

بو دونیَه هِنیز-ده سیزه اُز تاثیرینی یِتیریَر، سِبَبی آرانگیزدا باخیل‍لیق، داعوا-جِنجِل بار.‏ شِیله بُلسا بولار سیزینگ دونیَه دِگیشلیدیگینگیزی بیلدیرمِیَرمی؟ سیز دونیِوی آداملار یالی حِرِکِت اِتمِیَرسینگیزمی نَمه؟

۱ قُرِنتُس‌لار 5:2

سیز بُلسا اُز-اُزونگیزه قاباریارسینگیز!‏ اُندا سیز مونگا دِرِک یاس توتوپ، شِیله ایش اِدیَنی آرانگیزدان آییرمالی دَلمی؟

۱ قُرِنتُس‌لار 5:6

سیزینگ قابارماغینگیز هیچ قاوی دَلدیر.‏ شِیله بُلسا سیز آزاجیق خامیرمایانینگ هِمّه خامیری تورشودیاندیغینی بیلمِیَرسینگیزمی؟

۲ قُرِنتُس‌لار 11:12

مِن موندان بِیلَک-ده حَضیرکی اِدیَنلِریمی دُوام اِدِرین.‏ سِبَبی مِن اُزلِرینی بیز بیلِن دِس-دِنگ ایشلِیَندیر دییّپ فیکر اِدیپ، قووانماغا فُرصَت آغتاریانلارا باهانا بِرمِرین.‏

۲ قُرِنتُس‌لار 11:15

شُنگا گُرَه-دَه، اُنونگ قولّوقچیلاری-دا تاقوالیق خیدماتکَرلِرینینگ صوراتینا گیرمِگی گِنگ زات دَلدیر.‏ یُنه اُلارینگ آخیری اِدِن ایشلِرینه گُرَه بُلار.‏

غَلاطیه‌لِر 6:13

اِمّا سونِّتلِنمَنینگ طارافدارلارینینگ اُزلِری-ده شِریغاتی بِرجای اِدیَن دَلدیر.‏ اُلار سیزینگ سونِّتلیدیگینگیز باباتدا قابارماق اوچین، سیزی سونِّتلِتجِک بُلیارلار.‏

فیلیپیلِر 2:21

سِبَبی کَن آداملار عیسی مسیحینگ دَل-ده، اُز پِیداسینی آغتاریارلار آخیرین.‏

کولُسیلِر 3:2

فیکرینگیزی دونیِوی زاتلارا دَل-ده، آسمانداقی زاتلارا اوغراتدیرینگ.‏

۲ تِسالونیکیلِر 1:9

اُلار تانگری عیسانینگ حوضوریندان و اُنونگ قودراتینینگ بِییکلیگیندِن ماحروم اِدیلیپ، اِبِدی هِلَکچیلیک جِزاسینی چِکِرلِر.‏

۲ تِسالونیکیلِر 2:12

اُل مونی حاقیقاتا اینانمان و یامانلیقدان کِیپ آلانلارینگ بارینی مَحکوم اِتمِک اوچین اِدیَر.‏

۲ تِسالونیکیلِر 2:8

شُندا شُل شِراراتلی آدام گُرونِر.‏ تانگری عیسی اُنی آغزینینگ دِمی بیلِن، اُز گِلشینینگ قودراتی و هایباتی بیلِن اُنی هِلَک و یُق اِدِر.‏

۱ تیموتاوس 6:5

بولار اوچین فیکرلِری ضایالانان آداملارینگ آراسیندا اُنگوشماسیزلیقلار یوزه چیقیار.‏ اُلار حاقیقاتی پُزوپ، خودایینگ یُلی قازانچ یُلودیر دییّپ گومَن اِدیَرلِر.‏

۲ تیموتاوس 3:4

خایین، تِرتیبسیز، غُرورلی بُلوپ، کِیپی-صاپانی خودایدان کَن سُیِرلِر.‏

یعقوب 4:16

سیز بُلسا اُز غُرورینگیز بیلِن پانگقاریارسینگیز.‏ بِیله پانگقارمالارینگ باری یامانلیقدیر.‏

۲ پِطرُس 2:1

اُزال خالق آراسیندا یالان پیغامبارلارینگ بُلشی یالی، سیزینگ آرانگیزدا-دا یالان مُعلِّملِر گُرونِر.‏ اُلار اُغرینچا هِلَک اِدیَنچی و یالان تَعلیماتلار گِتیرمِک بیلِن، اُزلِرینی قارانگقیلیقدان بُشادان مسیحی هِم اینکَر اِدِرلِر.‏ شِیدیپ، اُز باشلاریندان بیردِن بِلا و اُلوم ایندِرِرلِر.‏

۲ پِطرُس 2:13

اُلار اُز اِدِن یامانلیقلارینا لاییق جِزاسینی آلارلار.‏ اُلار گوندیزینگ گونی کِیپ چِکمِکدِن جُشیارلار.‏ بولار ماسغارا هِم یوزوقارادیرلار.‏ ضیافات واقتیندا هِم اُلار اُزلِرینینگ مِکرلیکلِریندِن کِیپ آلیارلار.‏

۲ پِطرُس 2:3

آچگُزلیکدِن یانگا بو یالان مُعلِّملِر اُز یالان حِکایاتلاری بیلِن سیزدِن پِیدالانانلار.‏ شُنونگ اوچین اُلارینگ جِزاسی قادیمدان تاییار دوراندیر و هِلَکچیلیگی بُلسا گیجَه قالماز.‏

یهودا 1:10

اِمّا بو دیش گُریَن آداملار بیلمِیَن زاتلارینا تُهمِتلِیَرلِر.‏ اُلار اِدیل دوشونجِسیز حایوانلار یالی، اُز اوغرونا حِرِکِت اِدیپ، ایسلَن زاتلارینی اِدیَرلِر، بو زاتلار هِم اُلاری هِلَک اِدیَر.‏

یهودا 1:16

اُلار هِمّه زاتدان نارضا بُلوپ، زِیرِنیپ یُرِندیرلِر.‏ دینگه اُز یامان هُوِسلِرینینگ ایزینا دوشیَندیرلِر.‏ غُرورلی گورلَپ، اُز پِیداسینی گُزلَپ، ایکی‌یوزلیلیک اِدیَندیرلِر.‏

یهودا 1:4

سِبَبی کَبیر خودایسیزلار اُغرینچا آرانگیزا سوملوپ گیردیلِر.‏ اُلار آخلاقسیزلیق اِتمِک اوچین خوداییمیزینگ مِرحِمِتینی اُز پِیداسینا اویتگِدیَرلِر و یِکه آقامیز و تانگریمیز عیسی مسیحی رِد اِدیَرلِر.‏ اُلارینگ جِزاسی قادیمدان بَری یازیلیپ قُیلاندیر.‏

آیانلیق 18:7

اُل اُزونی نَچه بِییکلیدیپ و عایش-عِشرِت چِکِن بُلسا، شُنچا-دا اُنگا عاذاپ و غام-غوصّا بِرینگ!‏ چونکی اُل اُز یورِگینده شِیله دییَّر:‏ ‏”‏مِن مِلِکه کیمین اُتیرین، دول دَلدیرین و آصلا یاس توتمارین“‏.‏

آیانلیق 19:20

اِمّا جاناوار و اُنونگ بیلِن بیله یالان نِبی توتولدی.‏ بو یالان نِبی جاناوارینگ آدیندان عالاماتلار گُرکِزدی و جاناوارینگ عالاماتینی اُزونه باسدیریپ، اُنونگ مُجِسِّمه‌سینه سِجده اِدِنلِری آلدادی.‏ جاناوار-دا، یالان نِبی-ده دیریلیگینه یانیپ دوران کوکورت و اُدلی دِریاچا زینگیلدی.‏

آیانلیق 21:8

اِمّا قُرقیانلارینگ، ایمانسیزلارینگ، فاسیقلارینگ، قاتل‍لارینگ، زیناکَرلِرینگ، جادوگَرلِرینگ، بُت‌پَرَستلِرینگ و هِمّه یالانچیلارینگ جایلاری یانیپ دوران کوکورت و اُدلی دِریاچا بُلار.‏ ایکینجی اُلوم، اینه، بودور.‏»‏

آیانلیق 22:15

اِمّا ‏”‏ایتلِر“‏، جادوگَرلِر، زیناکَرلِر، قاتل‍لار، بُت‌پَرَستلِر، یالانی سُیوپ و اُنی عِمِل اِدیَنلِر شَهرینگ داشیندا قالارلار.‏