فیلیپیلِر 2:15 - مُقادِّس کیتاب

¹⁵ شُندا سیز اِگری و آزان نِسلینگ آراسیندا اِدیل جاهانداقی ییلدیزلار یالی پارلایان، خودایینگ تاقصیرسیز، پَک و عایپسیز فِرزِنتلِری بُلارسینگیز.‏

فیلیپیلِر 2:15 Cross References

مَتّیٰ 10:16

‏«‏سِراِدینگ، مِن سیزی قورتلارینگ آراسینا قُیونلار یالی یُلّایارین.‏ شُنونگ اوچین ییلان یالی زِرِنگ، کِپدِری کیمین سادا بُلونگ.‏

مَتّیٰ 17:17

عیسی:‏ ‏«‏اِی ایمانسیز هِم یُلدان چیقان نِسل!‏ مِن هاچانا چِنلی سیزینگ بیلِن بیله بُلوپ، سیزه جیدایین؟ اُغلانی شو یِره، مِنینگ یانیما گِتیرینگ»‏ دییدی.‏

مَتّیٰ 5:45

شُندا سیز آسمانداقی آتانگیزینگ اُغول‍لاریدیغینگیزی بِلّی اِدِرسینگیز.‏ آسمانداقی آتانگیز اُز گونِشینی یامانلارینگ و یاخشیلارینگ هِم اوستونه دُغدوریار، یاغمیرینی دُغریلارینگ و اِگریلِرینگ هِم اوستونه یاغدیریار.‏

مَتّیٰ 5:48

شِیلِلیکده، آسمانداقی آتانگیزینگ کَمیل بُلشی یالی، سیز هِم کَمیل بُلونگ.‏»‏

لوقا 1:6

بو اَر-آیالینگ ایکیسی-ده خودایینگ اُوونده دُغری آداملار بُلوپ، اُلار خودایینگ هِمّه تابشیریقلارینی و پارضلارینی کِمسیز بِرجای اِدیَردیلِر.‏

لوقا 6:35

دوشمانلارینگیزی سُیونگ، یاخشیلیق اِدینگ، ایزینا آلماسیز قارض بِرینگ.‏ شُندا سیزینگ سیلاغینگیز اولی بُلوپ، بِییک خودایینگ اُغول‍لاری بُلارسینگیز، سِبَبی اُل قادیر بیلمِزلِره-ده، تِلِکه‌لِره-ده مَهیرلیدیر.‏

یوحنا 5:35

یحیی نور سِچیَن ایشیق یالیدی.‏ سیز آز سالیم هِم بُلسا، اُنونگ نوروندا شاتلیق ایسلِدینگیز.‏

رِسول‍لار 2:40

پِطرُس باشغا-دا کَن دِلیل‍لِر بیلِن اُلارا شاهاتلیق اِدیپ:‏ ‏«‏اُزونگیزی بو یُلدان چیقان نِسلدِن آزاد اِدینگ!‏»‏ دییّپ یالباردی.‏

رِسول‍لار 20:30

حتّیٰ اُز آرانگیزدان کَبیر آداملار چیقیپ، شَگیرتلِری ایزینا دوشورتدیرجِک بُلوپ، حاقیقاتی پُزارلار.‏

رومیلار 16:19

سیزینگ موطیع‌لیغینگیز هِمّه‌لِره معلیمدیر.‏ مِن سیزینگ شِیلِدیگینگیزه قاتی بِگِنیَرین، یُنه سیزینگ یاخشینی یاماندان آچیق بیلِر یالی فَهیملی بُلماغینگیزی و یامانلیغا سادا بُلماغینگیزی ایسلِیَرین.‏

۱ قُرِنتُس‌لار 1:8

تانگریمیز عیسی مسیحینگ گِلجِک گونونده عایپسیز بُلماغینگیز اوچین، اُنونگ اُزی سیزی آخیرا چِنلی قاییم ساقلار.‏

۲ قُرِنتُس‌لار 6:17

شِیلِلیکده، قودراتلی-گویچلی خودای شِیله دییَّر:‏ ‏«‏اُلارینگ آراسیندان چیقینگ-دا اُلاردان آیریلینگ.‏ نِجیس زاتلارا اِل دِگیرمَنگ، و شُندا مِن سیزی قابول اِدِرین.‏»‏ ‏«‏مِن سیزه آتا بُلارین، سیز هِم مِنینگ اُغول-قیزلاریم بُلارسینگیز.‏»‏

اِفِسُسلار 5:27

اُل مونی اُز حوضورینا کیرلی، ییغریق یا-دا کِم دَل-ده، بِییکلیکدَه مُقادِّس هِم عایپسیز بیر یاغتی کِلیسانی گِتیرمِک اوچین اِتدی.‏

فیلیپیلِر 1:10

چونکی مِن سیزینگ قاوی زاتلاری بیلیپ، عیسی مسیحینگ گِلجِک گونونده پَک و عایپسیز بُلماغینگیزی ایسلِیَرین.‏

فیلیپیلِر 3:6

دین اوغرونداقی قایرات دییسِنگیز، کِلیسا آزار بِردیم.‏ شِریغاتا دایانیان تاقوالیق دییسِنگیز، عایپسیزدیم.‏

۱ تِسالونیکیلِر 5:23

قُی، پاراحاتلیغینگ چِشمه‌سی بُلان خودای سیزی هِمّه طارافدان پَکلِسین.‏ تانگریمیز عیسی مسیح گِلِنده روحونگیز، جانینگیز و بِدِنینگیز عایپسیز بُلسون.‏

۱ تیموتاوس 3:10

کِلیسانینگ خیدماتچیلاری بِلِّنیلمِزدِن اُوال ایمتِحان اِدیلسین.‏ اِگِر عایپسیز بُلوپ چیقسالار، قُی، خیدمات اِدیبِرسینلِر.‏

۱ تیموتاوس 3:2

شُنگا گُرَه-ده، کِلیسانینگ باشلیقچیسی عایپسیز، آیالینا بیوِفالیق اِتمِیَن آدام، هِر زاتدا اُزونه قایرات اِدیپ بیلیَن، فَهیملی، آبرایلی، میهمانسُیِر، اُورِتمَگه باشاریانجی،

۱ تیموتاوس 5:14

شُنونگ اوچین-ده، مِن یاش دول آیال‍لارینگ دورموشا چیقیپ، چاغا دُغورماقلارینی و اُی ایشلِرینی اِدارا اِتمِکلِرینی ماصلاحات بیلیَرین.‏ شُندا دوشمانلاریمیزینگ اُلارا تُهمِت اورماغا باهانالاری بُلماز.‏

۱ تیموتاوس 5:20

گونَه اِدیَنلِری بُلسا هِمّه‌لِرینگ اُوونده کَیی.‏ قُی، بو بِیلِکیلِره هِم دِرس بُلسون.‏

۱ تیموتاوس 5:7

شُندا ایماندارلارینگ عایپسیز بُلماغی اوچین، بو زاتلاری اُلارا تابشیر.‏

تیتوس 1:6

کِلیسانینگ یاشولیسی اِدیپ بِلِّنیلجِک حُکمَن عایپسیز و آیالینا بیوِفالیق اِتمِیَن آدام بُلمالیدیر.‏ اُنونگ فِرزِنتلِری هِم ایمان گِتیرِن، آخلاقسیزلیق و موطیع‌سیزلیقدا عاییپلانمایان بُلمالیدیر.‏

تیتوس 2:10

اُلاردان زات اُغورلاماسینلار، قایتام هِر زاتدا خاص وِفالی بُلسونلار.‏ شِیدیپ، اُلار نِجات بِریَنچیمیز خودایینگ تَعلیماتینینگ هِر طارافدان عجاییپدیغینی تاصدیقلارلار.‏

تیتوس 2:15

هاووا، بولارینگ بارینی اُورِت.‏ هِمّه ایختییارلیق بیلِن گُوونلیک بِر و هِم کَیی.‏ قُی، هیچ کیم سِنی اَسگِرمِزلیک اِتمِسین.‏

عِبرانیلار 7:26

بیزه اِدیل شونونگ یالی مُقادِّس، گونَه‌سیز و پَک باش کاهین گِرِکدی.‏ اُل گونَه‌کَرلِردِن آیریلیپ و آسماندان هِم یُقاری گُتِریلِندیر.‏

۱ پِطرُس 2:12

ایمانسیزلارینگ آراسیندا قاوی و دُغری یاشانگ.‏ شُندا اُلار سیزی یالنگیش ایش اِتمِکده تُهمِت اورسالار-دا، دُغری ایشلِرینگیزی گُروپ، خودایینگ گِلجِک گونی اُنی بِییکلِندیرِرلِر.‏

۱ پِطرُس 2:9

اِمّا سیز بِیله دَلسینگیز، چونکی سیز سایلانیپ-سِچیلِن خالقسینگیز.‏ سیز پادیشاهینگ کاهینلاری، مُقادِّس میلِّت و خودایا باغلی خالقسینگیز.‏ خودای سیزی قارانگقیلیقدان اُزونینگ عجاییپ نورینا چاغیردی.‏ سیز اُنونگ بِییکلیگینی اِعلان اِتمِک اوچین سایلانیپ-سِچیلِنسینگیز.‏

۲ پِطرُس 3:14

شُنگا گُرَه-ده، اِی عزیزلِر، بولارا قاراشیاندیغینگیز اوچین، خودایینگ ناظاریندا پاراحاتلیقدا یاشاپ، پَک و عایپسیز بُلماغا چالیشینگ.‏

آیانلیق 2:5

شُنونگ اوچین، هایسی بِییکلیکدِن ییقیلانینگی یادینگا سال!‏ توبا اِت-ده، اَوَّلکی اِدِن ایشلِرینگی عِمِل اِت!‏ اِگِر توبا اِتمِسِنگ، یانینگا باریپ، چیراغدانینگی یِریندِن آیرارین.‏

آیانلیق 3:9

مِن شِیطانینگ کِنیسه‌سینه گِلیپ، آیاغینگا ییقیلماغا مِجبور اِدِرین، اُلار سِنی سُییَندیگیمی دوشونِرلِر.‏ اُلار اُزلِرینی یَهودی حاساپلاسالار-دا، آصلا یَهودی دَل، اُلار یالان آلدایارلار.‏