فیلیپیلِر 1:20 - مُقادِّس کیتاب

²⁰ چونکی اومیدیم بار مِن آصلا اوتانجدا قالماجاقدیغیما، هِمیشه‌کیم یالی ایندی هِم باتیرلیق بیلِن حِرِکِت اِتجِکدیگیمه اینانیارین.‏ مِن یاشاسام-دا، اُلسِم-ده، مسیح بِیگِلدیلِر.‏

فیلیپیلِر 1:20 Cross References

یوحنا 21:19

عیسی بولاری پِطرُسینگ نَهیلی اُلوم بیلِن اُلوپ، خودایی بِییکلِندیرجِکدیگینی بیلدیرمِک اوچین آیتدی.‏ مونی آیداندان سُنگرا اُنگا:‏ ‏«‏مِنینگ ایزیما دوش»‏ دییدی.‏

رِسول‍لار 20:24

اِمّا جانیمی اُزوم اوچین باهالی حاساپلامایارین.‏ مِن دینگه یاریشینگ سُنگونا یِتمِک و تانگریمیز عیسانینگ تابشیران ایشینی کِمالا یِرینه یِتیرمِک ایسلِیَرین.‏ بو ایش خودایینگ مِرحِمِتی باراداقی خوش خابارا شاهاتلیق اِتمِکدیر.‏

رِسول‍لار 21:13

پولس:‏ ‏«‏نَمه اوچین آغلاشیپ، مِنینگ یورِگیمی آغیردیارسینگیز؟ مِن اورشلیمده دینگه اِل-آیاغیمینگ باغلانماغینا دَل، اُندا، تانگریمیز عیسانینگ آدی اوچین اُلمَگه-ده تاییار»‏ دییّپ جُغاپ بِردی.‏

رِسول‍لار 4:31

دُغا اِدیپ بُلانلاریندان سُنگ، اُلارینگ اویشوپ دوران یِری سارسدی.‏ هِمّه‌لِر مُقادِّس روحدان دُلوپ، باتیرلیق بیلِن خودایینگ خوش خابارینی آیتماغا باشلادیلار.‏

رومیلار 12:1

شُنگا گُرَه-ده، اِی عزیزلِر، خودایینگ مِرحِمِتینینگ خاطیراسی اوچین سیزه یالباریارین:‏ اُزونگیزی اُنونگ حالاجاق دیری و مُقادِّس قربانلیغی حُکمونده هُدورلَنگ.‏ شِیتسِنگیز، خودایینگ حوضوریندا میناسیپ یُلدا خیدمات اِتدیگینگیز بُلار.‏

رومیلار 5:5

شِیله اومید بیزی اوتاندیرماز، سِبَبی بِرلِن مُقادِّس روحونگ اوستو بیلِن یورِگیمیز خودایینگ سُیگوسیندِن دُلوپ-آقیار.‏

رومیلار 6:13

بِدِن ‌اعضالارینگیزی یامانلیق وِسیله‌سی حُکمونده گونَه‌نینگ ایختییارینا تابشیرمانگ.‏ تِرسینه، اُلومدِن دیرِلِن حُکمونده اُزونگیزی خودایا تابشیرینگ.‏ قُی، بِدِنینگیزینگ هِر بیر ‌اعضاسی خودایینگ دُغرولیق وِسیله‌سی بُلسون.‏

رومیلار 6:19

سیزینگ اینسان ناتووانلیغینگیزی ناظارا آلیپ، سیزه سادا سُزلِر بیلِن آیدیارین:‏ سیز اُزال اُزونگیزی تِلِکه‌لیگه و گیتدیگیچه آرتیان یامانلیغینگ قولّوغینا تابشیریپدینگیز.‏ ایندی بُلسا اُزونگیزی مُقادِّس یاشاییشا اِلتیَن تاقوالیغینگ قولّوغینا تابشیرینگ.‏

رومیلار 8:19

خودایینگ اُز فِرزِنتلِرینینگ بِییکلیگینی آیان اِتجِک واقتینا هِمّه یارادیلیش هِم صابیرسیزلیق بیلِن قاراشیار.‏

رومیلار 9:33

خودای مُقادِّس یازغیلاردا اُلارا بو داش بارادا آیدیپدی:‏ ‏«‏اینه، مِن صَهیوندا بودریمه داشینی، و ییقیان قایا قُییارین؛ و کیم اُنگا بیل باغلاسا هیچ اوتاندیریلماز.‏»‏

۱ قُرِنتُس‌لار 15:31

تانگریمیز عیسی مسیحینگ حوضوریندا سیزه بُلان قووانجیمدان قاسام ایچیَرین:‏ مِن هِر گون اُلوم بیلِن یوزبه-یوز بُلیارین.‏

۱ قُرِنتُس‌لار 6:20

چونکی سیز باهالی ساتین آلنانسینگیز.‏ شُنگا گُرَه-ده، اُز بِدِنینگیز بیلِن خودایی بِییکلِندیرینگ.‏

۱ قُرِنتُس‌لار 7:34

شِیدیپ، اُنونگ قالبی ایکی بُلونِندیر.‏ اَرسیز آیال یا-دا طُوی اِتمِدیک قیز خودایینگ ایشلِرینینگ فیکرینی اِدیپ، تِنده و هِم روحدا مُقادِّس بُلار یالی اُزونی خودایا تابشیریاندیر.‏ اِمّا اَرلی آیال اُز اَرینی راضی اِتجِک بُلوپ، بو دونیَه‌نینگ ایشلِرینَه فیکر اِدیَندیر.‏

۲ قُرِنتُس‌لار 10:8

مسیحینگ بیزه بِرِن ایختییاری باباتدا خاص کَنرَک قووانسام-دا، اوتانمارین.‏ سِبَبی بو ایختییار ایمانینگیزی وِیران اِتمِک اوچین دَل-ده، اُنی آبادلاماق اوچین بِرلِندیر.‏

۲ قُرِنتُس‌لار 3:12

بیز شِیله اومیدیمیز بُلانی اوچین باتیرلیق بیلِن حِرِکِت اِدیَریس.‏

۲ قُرِنتُس‌لار 4:10

عیسی مسیحینگ یاشاییشی بِدِنیمیزده آیان بُلسون دییّپ، اُنونگ اُلومینی اِلمیداما بِدِنیمیزده گُتِریَریس.‏

۲ قُرِنتُس‌لار 5:15

هاووا، عیسی مسیح هِمّه‌لِرینگ اوغروندا اُلدی.‏ اُل مونی یاشایانلار ایندی اُزلِری اوچین دَل-ده، اُلارینگ اوغروندا اُلِن و دیرِلِن مسیح اوچین یاشاسینلار دییّپ اِتدی.‏

۲ قُرِنتُس‌لار 7:14

مِن اُنونگ یانیندا سیز باباتدا قووانیپدیم، سیز-ده مِنینگ یوزومی یِره سالمادینگیز.‏ سیزه آیدانلاریمیزینگ اِلمیداما حاقیقات بُلشی یالی، تیتوسینگ اُووندَکی قووانجیمیزینگ هِم حاقیقاتدیغی بِلّی بُلدی.‏

۲ قُرِنتُس‌لار 7:4

سیزه قاتی اینانیارین و قاتی قووانیارین!‏ مِن شِیله اولی تِسِلّی تاپدیم.‏ قینچیلیقلاریمیز هِر هیلی آغیر بُلسا-دا، شاتلیغیمینگ اِندازاسی یُقدور.‏

فیلیپیلِر 1:14

مِنینگ بو زیندانلیغیم ایمانداقی دُغانلاریمینگ هِمّه‌سینی قوواتلاندیردی.‏ اُلار قُرقمان، باتیرلیق بیلِن خودایینگ سُزونی آیدیارلار.‏

فیلیپیلِر 2:17

سیزینگ خودایا اِدیَن ایمانینگیز و خیدماتینگیز اُنگا هُدورلِنِن قربانلیق کیمیندیر.‏ اِگِر مِنینگ شیندی چِکیَن زَحمِتلِریم بو قربانلیغا قُشولسا، مِن شاتدیرین.‏ مِن هِمَّه‌نگیزینگ شاتلیغینگیزا شِریکدیرین.‏

کولُسیلِر 1:24

مِن سیزینگ اوغرونگیزدا گُریَن قینچیلیقلاریما بِگِنیَرین.‏ بو قینچیلیقلاریم مسیحینگ بِدِنینینگ، یَعنی کِلیسانینگ قینچیلیقلارینینگ اوستونی یِتیریَر.‏

۱ تِسالونیکیلِر 5:23

قُی، پاراحاتلیغینگ چِشمه‌سی بُلان خودای سیزی هِمّه طارافدان پَکلِسین.‏ تانگریمیز عیسی مسیح گِلِنده روحونگیز، جانینگیز و بِدِنینگیز عایپسیز بُلسون.‏

۱ پِطرُس 4:16

اِمّا کیم مسیحی بُلوپ عاذاپ چِکیَن بُلسا اوتانماسین.‏ اُل بو آد اُزونده بُلانسُنگ خودایی شوکور اِتسین.‏

۱ یوحنا 2:28

ایندی، اِی بالالار، مسیح گِلِنده اینامیمیز بُلوپ، اُنونگ حوضوریندا اوتانماز یالی، اُنونگ بیلِن یاشایلینگ.‏