فیلیپیلِر 1:11 - مُقادِّس کیتاب

¹¹ قُی، یاشایشینگیز دینگه عیسی مسیحینگ اوستو بیلِن گِلیَن تاقوالیغینگ میوه‌لِریندِن دُلوپ-آقسین، خودایا بِییکلیک و اُوگی گِتیرسین.‏

فیلیپیلِر 1:11 Cross References

مَتّیٰ 5:16

دِگمه، سیزینگ نورینگیز آداملارینگ اُوونده پارلاسین، شُندا اُلار قاوی ایشلِرینگیزی گُروپ، آسمانداقی آتانگیزی اُوسینلِر.‏

یوحنا 15:16

سیز مِنی دَل-ده، مِن سیزی سایلادیم.‏ مِن سیزینگ گیدیپ، هیچ سُلمایان میوه بِرمِگینگیز اوچین سایلاپ-سِچدیم.‏ شُنگا گُرَه مِنینگ آدیم بیلِن آتادان نَمه دیلِسِنگیز، اُل سیزه بِرِر.‏

یوحنا 15:2

اُل مِنینگ میوه بِرمِیَن هِر بیر شاخامی کِسیپ زینگیار، میوه بِریَنینی بُلسا کَن میوه بِرِر یالی اُل اُنی پَکلِیَر.‏

یوحنا 15:8

سیز کَن میوه بِریپ، مِنینگ شَگیرتلِریمدیگینگیزی گُرکِزِرسینگیز.‏ مونونگ اوستو بیلِن آتام بِییکلِنِر.‏

رومیلار 15:28

مِن اُلارینگ مادّی کُمِگینی اورشلیمه یِتیریپ، بو ایشی بیتیرِنیمدِن سُنگ، سیزینگ اوستونگیز بیلِن اِسپانیا گیتمِکچی.‏

رومیلار 6:22

یُنه ایندی گونَه‌نینگ ایختییاریندان آزاد اِدیلیپ، خودایینگ قولی بُلدونگیز.‏ مونونگ نِتیجه‌سی مُقادِّس یاشاماقلیق، سُنگی بُلسا اِبِدی یاشاییشدیر.‏

۱ قُرِنتُس‌لار 10:31

شونلوقدا، اییسِنگیز-ده، ایچسِنگیز-ده، هِر نَمه اِتسِنگیز-ده – بولارینگ بارینی خودایینگ بِییکلیگی اوچین اِدینگ.‏

۲ قُرِنتُس‌لار 9:10

خودای تایخانینگ اِکجِک تُخومینی، اییجِک چُرِگینی یِتیریَندیر.‏ شُنگا گُرَه-ده، اُل سیزینگ اِکِنینگیزی بُلدان-بُل آرتدیریپ، یاخشیلیغینگیزینگ بُل حاصیلینی یِتیشدیرمِگی هِم باشارار.‏

اِفِسُسلار 1:14

خودایا باغلی آداملار آزاد بُلیانچا، مُقادِّس روح بیزینگ میراثیمیزینگ ضامِنیدیر.‏ بولارینگ باری خودایا جِلال گِتیریَر.‏

اِفِسُسلار 2:10

سِبَبی خودای بیزی عیسی مسیحینگ اوستو بیلِن یاراتدی.‏ اُل بیزی اُوالدان تاییارلاپ قُیان یاخشی ایشلِرینی اِتمِگیمیز اوچین یاراتدی.‏

اِفِسُسلار 5:9

دُغرودان هِم، نورینگ میوه‌سی هِر هیلی یاخشیلیقدان، تاقوالیقدان و حاقیقاتدان عیباراتدیر.‏

فیلیپیلِر 4:17

مِن مونی سُوغاتلارینگیزا حانتاما بُلانیم اوچین آیتمایارین.‏ مِن سیزینگ پِیدانگیزینگ آرتماغینی ایسلِیَرین.‏

کولُسیلِر 1:10

شِیله هِم مسیحه میناسیپ دورموشدا یاشاپ، اُنی هِر باباتدا خُشنود اِتمِگینگیز اوچین دُغا اِدیَریس.‏ قُی، سیزینگ هِمّه یاخشی ایشلِرینگیز میوه بِرسین.‏ قُی، خودایی تانیماقدا سیزی خاص-دا اُسدورسین.‏

کولُسیلِر 1:6

شو خوش خابار هِمّه دونیَه یایراپ میوه بِریپ گِلیَر.‏ خودایینگ مِرحِمِتینینگ حاقیقی مَعنیسینه گُز یِتیرِن گونونگیزدِن بَری، بو خوش خابار سیزینگ آرانگیزدا هِم شِیله عِمِل اِدیَر.‏

۲ تِسالونیکیلِر 1:12

بیز مونی خودای و تانگریمیز عیسی مسیحینگ مِرحِمِتینه گُرَه، تانگریمیز عیسانینگ آدی سیزده بِییکلِنسین و سیز هِم اُندا بِییکلِنینگ دییّپ شو دُغالاری اِدیَریس.‏

تیتوس 3:14

ایماندارلار هِم نِتیجه‌سیز یاشاماز یالی، مَحتَجلِره یاردیم بِرمِگینگ اوستو بیلِن یاخشیلیق اِتمِگی عادات اِدینسینلِر.‏

عِبرانیلار 12:11

آدام تِربیِت آلاندا شاتلانمایار، قایتام، دِرت چِکیَر.‏ اِمّا شِیله تِربیِت آلاندان سُنگرا، اُل تاقوالیقدا و پاراحاتلیقدا یاشایاندیر.‏

۱ پِطرُس 2:12

ایمانسیزلارینگ آراسیندا قاوی و دُغری یاشانگ.‏ شُندا اُلار سیزی یالنگیش ایش اِتمِکده تُهمِت اورسالار-دا، دُغری ایشلِرینگیزی گُروپ، خودایینگ گِلجِک گونی اُنی بِییکلِندیرِرلِر.‏

۱ پِطرُس 2:5

شُنونگ اوچین سیز هِم دیری داشلار یالی روحانی بینا بُلوپ سالینیارسینگیز.‏ شُندا عیسی مسیحینگ اوستو بیلِن خودایینگ حالایان روحانی قربانلیقلارینی هُدورلِیَن مُقادِّس کاهینلار بُلارسینگیز.‏

۱ پِطرُس 2:9

اِمّا سیز بِیله دَلسینگیز، چونکی سیز سایلانیپ-سِچیلِن خالقسینگیز.‏ سیز پادیشاهینگ کاهینلاری، مُقادِّس میلِّت و خودایا باغلی خالقسینگیز.‏ خودای سیزی قارانگقیلیقدان اُزونینگ عجاییپ نورینا چاغیردی.‏ سیز اُنونگ بِییکلیگینی اِعلان اِتمِک اوچین سایلانیپ-سِچیلِنسینگیز.‏

۱ پِطرُس 4:14

مسیحینگ آدی سِبَپلی تُهمِت اورلییان بُلسانگیز، خوشواقتسینگیز، چونکی خودایینگ بِییکلیک روحی سیزده مِسکِن توتاندیر.‏