Yakubus 3:1 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

¹ Oo su kosusulodan ku, oogot sobana totongaron toko. Ono yo ko', dai musuat ong osuang so kou mokisisiliw nu moomontuduk, so' oilaan muyu nu owogat po ukuman nu Kinoringan so toko moomontuduk ko' lobuw wokon.

Yakubus 3:1 Cross References

Matius 10:24

D'ado murid moilo po ko' moomontuduk so iyo no, intawa uripon oogot po ko' tuan niyo no.

Matius 23:13

Mutongaro po si Yisus nu, “Aagut kou yo su lobuw Parisi om moomontuduk nu Ukum. Oinsaadan kou nu Kinoringan so' musingkopoimaid-poimaid kou. Ibonan muyu lobuw mokiwowaid so Pogkuosaan nu Kinoringan, om kou kondiri dai maid. [

Matius 23:14

Aagut kou yo su lobuw Parisi om moomontuduk nu Ukum. Oinsaadan kou nu Kinoringan so' musingkopoimaid-poimaid kou! Ongo balu nga okalan om solodan muyu nu waloi om mogdu'a kou nai' nu olanggau pongolikup nu koraayan muyu. Nga ono yo su koowit nu ukuman nu owogat sobana so kou.]

Matius 9:11

Nosiou iri nu lobuw Parisi ri, duato yo nosiro mompomaid Niyo ri nu, “Nokuro ka su murung Moomontuduk muyu no mongokan so moomumpung nu sukai om lobuw kikoraayan?” koo.

Lukas 16:2

Paawo yo sono niyo moomogkoilo oono om tongaro yo nu, ‘Nokorongou aku nu dai musuat gogoma'on mu nu siin ku ri. Obari yo so aku ong onu koo gama' mu mogkoilo nu siin oono, so' dai ku yo sono ikau popongoorapan nu siin ku no,’ koo lobuw doyaan oono.

Lukas 6:37

Mutongaro yo si Yisus nu, “Ikod kou yo ponginsala' nu wokon, su' dai kou insola'on nu Kinoringan! Ikod kou yo pongukum nu lobuw, su' dai kou ukumon nu Kinoringan. Pongampun kou yo nu lobuw, om ompunon kou nu Kinoringan.

Yuanis 3:10

Sumombuto yo si Yisus nu, “Ikau-o su moomontuduk nu lobuw Israil, nga nokuro su dai ko koorati nu ono?

Pinongoorapan 13:1

Tinu-tinu poo'abar nu Kinoringan om moomontuduk so puimpugan nu lobuw poimaid so Antiukia, ono yo si Barnabas, si Simiun, iri ingoranan-a so si Itom, si Lukius kiat so Kirini, si Monain una'-una' ni Raja Irudis kiat koworos, om si Saulus.

1 Kurintus 12:28

Soko ono ya pudi puimpugan nu lobuw poimaid, tinantu yo nu Kinoringan gogoma'on nu boroginis lobuw. Gulu po pinongoorapan, koduo poo'abar nu Kinoringan iri polombus nu kodau Niyo, kotolu moomontuduk iri potarang nu kodau nu Kinoringan, noopod ono lobuw momaal nu koiran-iran, lobuw kopomali', lobuw monabang nu lobuw wokon, wowaidon, om lobuw koputangar nu boroginis nu tangar.

2 Kurintus 5:10

Mutangar aku soko ono, so' tumingkuang toko ya so Kinoringan ong wagu nu bisora'on Niyo, musuat nu gogoma'on toko so wonuo tu, oraai ko' owarong.

Ipisus 4:11

Iyo yo su nopotaak nu odia so ongo lobuw inurug nu pinongoorapan, poo'abar, pootuturan nu Abar Owarong, moongipat om moomontuduk so puimpugan.

1 Timutius 1:7

Pudi pona mokiuurug nosiro nu moomontuduk nu Ukum ni Musa, nga insan nosiro ya dai koorati ong onu tongaron nosiro, intawa pontudukan nosiro.

1 Timutius 2:7

Ono yo ko' pinili' aku nu Kinoringan ourug nu pinongoorapan, om sinuu' aku Niyo montuduk nu kodau oono. Kiawi' tinangar ku oono bana ya. Pinili' aku Niyo tayon ong mian aku montuduk so lobuw okon ko Yaudi om poimaid nosiro sono nu pontudukan oono.

2 Timutius 1:11

Ono yo ko' pinili' aku nu Kinoringan sumiliw nu pinongoorapan om moomontuduk paabar nu Abar Owarong,

Ibrani 13:17

Orumato muyu yo wowaidon muyu no, om waido muyu yo ponuu'an nosiro so kou no, so' nosiro yo su mongipat so kou. Ologa' ong wagu, mongudio Kinoringan so nosiro nu olulut-a ka gama' nosiro mongipat so kou ko' dai. Bang mongowaid kou ya so nosiro, osanang inawo nosiro. Nga bang dai kou mongowaid, dai sono osanang inawo nosiro mugogoma'on, om kou nga soko ono ya.

Yakubus 1:16

Oo su kosusulodan sinomodan ku, adang kou yo ookalan momikir nu Kinoringan-o su mongintotayag nu lobuw,

Yakubus 1:19

Oo su kosusulodan sinomodan ku, orotio muyu yo itu! Kiawi' lobuw subai oining mongkinongou, nga adang osikap sumambut om adang oruoi rumoraayan,

Yakubus 3:10

Koiran-iran sobana, su kobang tu yo su pongawag om pongunsopot-a. Oo su kosusulodan ku, sobana ko dai ono musuat!

1 Pitrus 5:3

Adang-o dadan monuu' nu lobuw ipatan muyu no, nga miau-o maid nu kogoyaan owarong om minsuw sono nosiro so kou.