Lukas 9:44 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

⁴⁴ “Orotion-o sobana om ondomo muyu yo totongaron Ku so kou iitu nu, Aku, Anak nu Riniba, ikomouli' so kopogboya'an nu lobuw,” koo.

Lukas 9:44 Cross References

Matius 16:21

Kiat nu iri, nopokoilo sono si Yisus so mompomaid Niyo ri nu subai mian Iyo so Yirusalim, om osuang kosonsora'an oirosaan Niyo dii kiat so wowaidon nu tontong oono, wowaidon nu imam, om moomontuduk nu Ukum. Potoyon Iyo, nga oluli'an-a so kotolu no.

Matius 26:2

“Koduaan po om ologa' yo Rami-Rami Paska. Iya oono isalib Aku yo,” koo.

Markus 8:31

Tumugulo yo si Yisus montuduk nu mompomaid Niyo ri nu, “Aku yo Anak nu Riniba om subai osuang kosonsora'an oirosaan Ku kiat so kotutuaan, wowaidon nu imam, om moomontuduk nu Ukum. Potoyon Aku, nga oluli'an-a so kotolu no,” koo.

Markus 9:31

so' montuduk Iyo sono nu mompomaid Niyo ri nu, “Dai olaid ikomouli' Aku, Anak nu Riniba so kopogboya'an nu lobuw. Potoyon Aku, nga so kotolu no oluli'an Aku ya,” koo.

Lukas 1:66

Kiawi' lobuw nokorongou nu tuturan iiri mududuat maid nu mongiro-kiro so inawo nu, “Tantu obantug lolaing iitu!” koo. Minutangar nosiro soko iri so' otolang sobana nu Kinoringan-o su mogkuasa so iyo.

Lukas 18:31

Popuimpugo yo ni Yisus opulu om duo mompomaid Niyo ri om tongaro yo nu, “Rongowo muyu yo, sundur toko itu so Yirusalim, om onu yo po niongosurat nu poo'abar nu Kinoringan gulu ri suat so Aku, Anak nu Riniba, otuman kiawi' nai.

Lukas 2:19

nga, nikorod-a ong ni Maria tuturan iiri so inawo niyo om mongiro-kiro nu iri.

Lukas 2:51

Maido yo sono si Yisus so nosiro muli' so Najarit, om onu-onu ponuu'an nu ino amo Niyo ri osipon-a Niyo. Kiawi' nourug iiri, nikorod-a ni Maria so inawo.

Lukas 24:44

Mutongaro yo sono si Yisus so nosiro nu, “Itu yo iri tinangar Ku so kou nu maid-waid Aku po so kou ri nu, subai otuman onu-onu nokosurat suat so Aku so ongo buuk nu Ukum ni Musa, om so buuk nu ongo poo'abar nu Kinoringan gulu ri, om so buuk nu Lagu,” koo si Yisus.

Lukas 9:22

Mutongaro po si Yisus nu, “Aku, Anak nu Riniba, subai osuang kosonsora'an. Tulakon Aku nu kotutuaan, wowaidon nu imam, om moomontuduk nu Ukum. Potoyon Aku, nga oluli'an Aku so kotolu no,” koo.

Yuanis 16:31

Mutongaro po si Yisus so nosiro nu, “Bana-bana ka nu poimaid kou yo sono nu ono sono tu?

Yuanis 16:4

Nga nituturan Ku ono so kou nu ono sono tu, su' bang ologa' yo ono, oondoman muyu nu nokokoilo Ku yo ono so kou,” koo. Mutongaro po si Yisus nu, “Dai Ku po ono nituturan so kou kiat nu timpuun-i, so' mido-ido Aku po so kou.

Yuanis 19:11

Sumombuto yo si Yisus nu, “Dai ya kopogbaya' ko so Aku ong okon ko Kinoringan su popogbaya' so ikau. Ungkiat-o nai, lobuw pokomouli' so Aku tuui so ikau-o su maayo po koraayan ko' ikau,” koo.

Pinongoorapan 2:23

Maid nu koinginan nu Kinoringan nu notantu yo kiat po nu timpuun-i, nikomouli' sono si Yisus so kou. Om kou yo su minonuu' nu lobuw oraai posalib so Iyo.

Ibrani 2:1

Ono yo ko', poimaid toko yo nu pontudukan obana norongou toko ri, su' dai toko ooba' kiat so koimaidan toko.