Lukas 10:42 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

⁴² Bana yo, ido yo su oogot om pinili' yo ni Maria onu yo po owarong, nu dai osolod nu lobuw wokon,” koo si Yisus.

Lukas 10:42 Cross References

Lagu 119:111

Ponuu'an Mu no yo su pusaka ku musingkolaid, posanang nu inawo ku.

Lagu 119:173

Muda-mudaan ong dadan Ko ya moingin monabang so aku, so' mongowaid aku ya nu ponuu'an Mu.

Lagu 119:30

Notapus ku yo nu poimaid so Ikau. Ondomon ku dadan kotontuan Mu.

Lagu 142:5

Oo TUHAN, momaau aku so Ikau. Mokiingolig aku so Ikau. Ido-ido Ko ya su koinginan ku so kowiawan ku.

Lagu 17:15

Nga, suat so aku, mido-ido aku so Ikau, so' d'ado ya nowaal ku nu oraai, om koduung orios aku, osudu' inawo ku so' maid-waid Ko ya s'aku.

Lagu 27:4

Ido-ido ya pokitaakon om koinginan ku so TUHAN, ono yo molak so Waloi Maayo Niyo musingkolaid, mongirasa nu koworongan nu TUHAN, om mokibiat so Iyo.

Lagu 73:25

Oo su Kinoringan so surga, d'ado koponabang s'aku sondiang ko Ikau. D'ado koinginan ku so wonuo tu sondiang ko Ikau.

Markus 8:36

D'ado kosudaan nu lobuw kosongapan nu kiawi' so wonuo tu ong oraag-a kowiawan niyo insaadan nu Kinoringan musingkolaid.

Lukas 10:39

Si Marta kisulod nu woinoi, ngaran niyo si Maria. Mogomo yo sono si Maria so obi' ni Yisus mongkinongou nu pontudukan Niyo ri,

Lukas 11:1

Ido runat, minogdu'a si Yisus so ido tontong. Nopupus Iyo mogdu'a, mutongaro yo ido mompomaid Niyo ri nu, “Oo Tuhan, tuduki kai po mogdu'a, soko si Yuanis su minontuduk nu mompomaid niyo ri,” koo.

Lukas 12:20

Nga mutangar sono Kinoringan so iyo nu, ‘Oo su lobuw olowong. Awi ya iitu matoi ko! Lobuw-a sondiang kosongapan nu orata' mu no,’ koo.

Lukas 12:33

Wolii yo kiawi' orata' muyu no om toyad-toyado muyu siin-o so lobuw kikosimpitan. Bang waalon muyu ono, soko momaal kou nu poianan nu siin dai musiba', ono yo orata' nitou' so surga, so' dii yo po so surga d'ado yo lobuw monakou, om d'ado yo gagat mongoraag.

Lukas 16:2

Paawo yo sono niyo moomogkoilo oono om tongaro yo nu, ‘Nokorongou aku nu dai musuat gogoma'on mu nu siin ku ri. Obari yo so aku ong onu koo gama' mu mogkoilo nu siin oono, so' dai ku yo sono ikau popongoorapan nu siin ku no,’ koo lobuw doyaan oono.

Lukas 16:25

Nga sumombuto yo si Abraham nu, ‘Oo anak, ondomo yo, laid mu po miau-i, nokoirasa ko yo nu kiawi' kosonangan om koworongan, nga si Lajarus, koraayan-a kiawi' noirosaan niyo nu miau po iyo ri. Kosiono, osanang-o iyo tuui, om ikau nosonsara'.

Lukas 18:22

Norongou-o po ni Yisus sambut nu lobuw iiri, mutongaro yo Iyo nu, “Ido po mupatut waalon mu, ono yo wolii yo kiawi' orata' mu no om toyad-toyado orogo no so lobuw omiskin. Bang waalon mu ono, kikowiawan ko musingkolaid maid so Kinoringan. Owaal mu ono om maid ko nai' so Aku,” koo si Yisus.

Lukas 8:18

Pagka soko ono, kimato muyu yo onu yo po rongowon muyu, so' iri lobuw mongorongou om monorima' nu pontudukan Ku, koorati sono sobana. Nga lobuw dai mongorongou nu pontudukan Ku no, nokuro ong sabat-a oorotian nga lumiong,” koo si Yisus.

Yuanis 11:1

Kuwai ido koyuwan, ngaran niyo si Lajarus, minolak so Bitania maid nu sulod niyo si Maria om si Marta.

Yuanis 11:19

Indadi osuang-a sono lobuw Yaudi kiat dii minongondaa so si Marta om si Maria monginsosamod suat so kinopotoyan nu sulod nosiro ri.

Yuanis 12:3

Lumogaa yo si Maria minongowit sompusung nu inosak lanung ado gawul sobana ko otaas. Tuadi yo niyo so akod ni Yisus om piido yo nu obuk niyo ri. Nolongkop rinuang nu waloi-i nu awau nu inosak lanung-i.

Yuanis 17:3

Itu yo su koolap-olapan nu lobuw nu kowiawan musingkolaid, ono yo subai otondu'an Ko nosiro, ono Kinoringan obana. Om subai otondu'an Aku ya nosiro, ono Anak Mu si Yisus Kristus sinuu' Mu no.

Yuanis 4:14

Nga isai monginum nu sungoi nitaak Ku no, dai yo lugangon musingkolaid. Sungoi nitaak Ku oono musiliw nu impuunon nu sungoi so koyuwan niyo, koponaak nu kowiawan musingkolaid,” koo.

Yuanis 5:24

Bana ya totongaron Ku iitu nu, isai mongkinongou nu tinongaran Ku, om poimaid so Amo Ku, ono minonuu' so Aku no, taakan iyo nu kowiawan musingkolaid. Dai yo iyo ukumon so' nokolaiw-o kiat so poomatoi om nokoian-o so kowiawan.

Yuanis 6:27

Ikod kou yo pogkari'-kari' modium nu ingkookan nu osikap-a munos, nga pogkari'-kari' kou yo modium nu ingkookan dai munos om koponaak nu kowiawan obana om musingkolaid. Aku, Anak nu Riniba su monaak nu ingkookan oono so kou, so' tinaakan Aku nu Kinoringan nu kuasa monaak nu kowiawan oono,” koo.

1 Kurintus 13:3

Insan nitaak ku ya so lobuw omiskin kiawi' songapan ku, om posimaidan ku alod-alod mongoompu' nu koyuwan ku tu, nga bang dai aku ya monamod nu lobuw wokon, sobana ko d'ado ya kosudaan nu ono so aku.

Galatia 5:6

Bang koido toko yo so si Yisus Kristus, mokisunat intawa dai nga muinong-a. Ono yo su oogot, poimaid so si Kristus, om koimaidan oono kointolang so poonamod toko nu lobuw wokon.