फिलिप्‍पीऔ 4:11 - बुक्सा

¹¹ मैं जौ बात किसी बी चीज की कमी की बजै सै ना कैबौ हौं, कैसेकै मैं जैसी बी हालत मै हौं, मैंनै उसई मै खुस रैहनो सीक लओ है।

फिलिप्‍पीऔ 4:11 Cross References

लूका 3:14

और सिपाई बी उस्सै पूँछल लगे, “हम का करैं?” बानै उनसै कैई, “किसी के ऊपर दबाब डारकै बासै पैसा ना लो और नाई किसी के ऊपर झूँटो दोस लगाऔ, पर अपनी तनखा सैई खुस रौह।”

2 कुरन्‍थियों 11:27

मैं कई मौके मै सो तक ना पाओ हो, मैं भूँको और पियासो रैहओ और कई दफै मैंकै रोटी तक ना मिल पाई ही, और जाड़े मै कम लत्‍ता की बजै सै मैं ठिटरतो रैहओ हौं।

2 कुरन्‍थियों 6:10

हम दुखी लोगौ के हाँई दिखाई देवै हैं, पर हम हमेसा खुस रैहबै हैं। हम गरीब लोगौ के हाँई दिखाई देवै हैं, पर दूसरौं कै सेट बना देवै हैं। लोग समजै हैं कै हमरे धौंरे कुछ ना है तौबी हमरे धौंरे सब कुछ है।

2 कुरन्‍थियों 8:9

कैसेकै तुम हमरे परभु ईसु मसी की किरपा कै जानौ हौ और जौ बी जानौ हौ कै सेट होते भए बी बौ तुमरे ताँई गरीब बनो जिस्सै कै बाके गरीब होनै सै तुम सेट हो जाऔ।

2 कुरन्‍थियों 9:8

परमेसर तुमकै अच्‍छे सै अच्‍छो बरदान देवै है, जिस्सै कै तुमरी सिगरी जरूरत पूरी हौं, और सिगरे अच्‍छे कामौ के ताँई तुमरे धौंरे जरूरत से बी जादा देओ गओ है।

फिलिप्‍पीऔ 3:8

पर मैं अपने परभु मसी ईसु के सबसै कीमती गियान के ताँई सबई बातौं कै नुकसान समजौ हौं, और कूड़ा समजौ हौं, जिस्सै कै मैं मसी कै पा सकौं;

इबरानिओ 10:34

जो जेल मै कैद हे तुमनै उनके ऊपर तरस खाओ और जब तुमरी धन-दौलत लुटल लगी तब्बी तुमनै खुसी सै लुटन दई कैसेकै तुम जौ जानै हे कै तुमरे धौंरे इस्सै बी अच्‍छो और हमेसा टिके रैहनै बारी धन-दौलत है।